మీది ప్రేమ పెళ్లా..? లేదా పెద్దలు కుదిర్చిన వివాహమా..? అని అడిగితే.. ఏదో ఒకటి చెబుతారు. అయితే.. ఆ యువకుడు మాత్రం రెండూ అని సమాధానం చెబుతాడు. ఎందుకంటే ఆ అబ్బాయి ప్రేమించిన అమ్మాయిని, పెద్దలు చూసిన అమ్మాయిని ఇద్దరిని పెళ్లిచేసుకున్నాడు. అది కూడా ఒకే మూహూర్తానికి. ఒకే వేదికపై. వినడానికి ఆశ్చర్యంగా ఉన్నా.. ఇది నిజం. ఈ ఘటన మధ్యప్రదేశ్‌లోని బెతుల్‌ జిల్లాలోని కెరియా గ్రామంలో చోటు చేసుకుంది.

వివరాల్లోకి వెళితే.. కెరియా గ్రామానికి చెందిన సందీప్‌ అనే యువకుడుకి పక్క గ్రామానికి చెందిన ఓ యువతితో వివాహాం నిశ్చయించారు పెద్దలు. అతడి అంగీకారం లేకుండా యువతి కుటుంబానికి మాట ఇచ్చేశారు. ఈ విషయాన్ని సందీప్‌కు చెప్పగా.. భోపాల్‌లో చదువుకునే సమయంలో ఓ అమ్మాయిని ప్రేమించానని, ఆ అమ్మాయినే పెళ్లి చేసుకుంటానని పట్టుబట్టాడు. తాము చూసిన సంబంధాన్ని చేసుకోవాలని తల్లిదండ్రులు కోరారు. దీంతో ఈ విషయం పంచాయతీకి చేరింది.

పంచాయతీ పెద్దలు మూడు కుటుంబాలను కూర్చోబెట్టి మాట్లాడారు. ఇద్దరు అమ్మాయిలకు ఇష్టం అయితే.. వారిద్దరిని పెళ్లి చేసుకోవచ్చునని తెలిపారు. దీనికి మూడు కుటుంబాలు అంగీకరించాయి. ఆ అమ్మాయిలు ఇద్దరూ కూడా అతడిని పెళ్లి చేసుకోవడానికి ఇష్టపడ్డారు. దీంతో ఆ ఇద్దరి మెడలో తాళి కట్టాడు. మొత్తానికి ఆ పెళ్లి కొడుకు తన పంతంతో పాటు.. పెద్దల మాటను నిలబెట్టాడు. అయితే ఈ విషయం ప్రభుత్వ అధికారుల దృష్టికి రావడంతో దీనిపై విచారణ చేపట్టారు.

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.

Leave a Reply

Your email address will not be published. Required fields are marked *