ఏపీలో ఘోర రోడ్డు ప్రమాదం.. తెలంగాణకు చెందిన ఏడుగురు మృతి

By సుభాష్  Published on  17 Jun 2020 9:29 AM GMT
ఏపీలో ఘోర రోడ్డు ప్రమాదం.. తెలంగాణకు చెందిన ఏడుగురు మృతి

ఏపీలో కృష్ణా జిల్లాలో ఘోర రోడ్డు ప్రమాదం చోటు చేసుకుంది. జగ్గయ్యపేట మండలం వేదాద్రి వద్ద ట్రాక్టర్‌ను లారీ ఢీకొట్టింది. ఈ ప్రమాదంలో ఏడుగురు అక్కడికక్కడే మృతి చెందారు. మరో 20 మంది వరకు తీవ్ర గాయాలయ్యాయి. మృతులంతా ఖమ్మం జిల్లా మధిర వాసులుగా గుర్తించారు. ఖమ్మం జిల్లా మధిర మండలం గోపవరం నుంచి 30 మంది వరకు ట్రాక్టర్లలో దైవ దర్శనానికి వెళ్తుండగా ఈ ప్రమాదం జరిగినట్లు తెలుస్తోంది.

ఘటన స్థలానికి చేరుకున్న పోలీసులు సహాయక చర్యలు చేపట్టి క్షతగాత్రులను చికిత్స నిమిత్తం ఆస్పత్రికి తరలించారు. క్షతగాత్రుల్లో కొందరి పరిస్థితి విషమంగా ఉన్నట్లు సమాచారం. కేసు నమోదు చేసుకున్న పోలీసులు దర్యాప్తు చేపడుతున్నారు.

Next Story
Share it