60,244 కానిస్టేబుల్ పోస్టుల భర్తీకి నోటిఫికేషన్ విడుదల చేసిన ప్ర‌భుత్వం
ఉత్తరప్రదేశ్ పోలీస్ రిక్రూట్‌మెంట్ బోర్డ్ నిరుద్యోగుల‌కు శుభ‌వార్త చెప్పింది.
By Medi Samrat Published on 24 Dec 2023 11:29 AM GMT
ఉత్తరప్రదేశ్ పోలీస్ రిక్రూట్‌మెంట్ బోర్డ్ నిరుద్యోగుల‌కు శుభ‌వార్త చెప్పింది. ఉత్తరప్రదేశ్ పోలీస్ రిక్రూట్‌మెంట్ మరియు ప్రమోషన్ బోర్డ్ 60 వేలకు పైగా కానిస్టేబుల్ పోస్టుల కోసం రిక్రూట్‌మెంట్ నోటిఫికేషన్‌ను విడుదల చేసింది. కానిస్టేబుల్ పోస్టులకు అర్హులైన అభ్యర్థుల నుండి దరఖాస్తులను ఆహ్వానించింది.
యుపి పోలీస్ కానిస్టేబుల్ రిక్రూట్‌మెంట్ కోసం అభ్యర్థులు డిసెంబర్ 27 నుండి దరఖాస్తు చేసుకోవచ్చు. దరఖాస్తు చేయడానికి UPPBPB యొక్క అధికారిక వెబ్‌సైట్ uppbpb.gov.in ను సందర్శించాలి. దరఖాస్తు చేయడానికి చివరి తేదీ జనవరి 16, 2024. దరఖాస్తు రుసుము చెల్లించడానికి చివరి తేదీ జనవరి 18, 2024. ఈ రిక్రూట్‌మెంట్ డ్రైవ్ బోర్డు 60,244 పోస్టులను భర్తీ చేస్తుంది.
ఖాళీ వివరాలు
అన్‌రిజర్డ్వ్‌: 24,102 పోస్ట్‌లు
EWS: 6,024 పోస్ట్‌లు
OBC: 16,264 పోస్టులు
షెడ్యూల్డ్ కులం: 12,650
షెడ్యూల్డ్ తెగ: 1,204 పోస్టులు
అర్హతలు..
పోస్టులకు దరఖాస్తు చేసుకోవాలనుకునే అభ్యర్థులు గుర్తింపు పొందిన ఇన్‌స్టిట్యూట్ బోర్డు నుండి 10వ తరగతి లేదా 12వ తరగతి ఉత్తీర్ణులై ఉండాలి. అభ్యర్థి వయస్సు పరిమితి 18 నుండి 22 సంవత్సరాల మధ్య ఉండాలి.
ఎంపిక ప్రక్రియ
ఎంపిక ప్రక్రియలో రాత పరీక్ష ఉంటుంది. రాత పరీక్ష మొత్తం మార్కులు 300.. పరీక్ష వ్యవధి 2 గంటలు. వ్రాత పరీక్షలో అర్హత సాధించిన అభ్యర్థులు.. ఫిజికల్ స్టాండర్డ్ టెస్ట్, డాక్యుమెంట్ వెరిఫికేషన్ తర్వాత ఫిజికల్ ఎఫిషియన్సీ టెస్ట్‌కు హాజరు కావాలి.
దరఖాస్తు రుసుము
యుపీ పోలీస్ కానిస్టేబుల్ రిక్రూట్‌మెంట్ కోసం దరఖాస్తు చేసుకునే అభ్యర్థులందరికీ దరఖాస్తు రుసుము రూ. 400. ఆన్‌లైన్ మోడ్ ద్వారా చెల్లింపు చేయాలి. దరఖాస్తు ప్రక్రియ డిసెంబర్ 27 నుంచి ప్రారంభమవుతుంది. తాజా అప్‌డేట్‌ల కోసం.. UPPBPB అధికారిక వెబ్‌సైట్‌ను గమనించండి.
