ఆరేళ్ల బాలికను పెళ్లి చేసుకున్న 45 ఏళ్ల వ్యక్తి.. తాలిబాన్లు ఏ నిర్ణయం తీసుకున్నారంటే.?
దక్షిణ ఆఫ్ఘనిస్తాన్‌లో 45 ఏళ్ల వ్యక్తి ఆరేళ్ల బాలికను బలవంతంగా వివాహం చేసుకున్నాడు.
By Medi Samrat
దక్షిణ ఆఫ్ఘనిస్తాన్‌లో 45 ఏళ్ల వ్యక్తి ఆరేళ్ల బాలికను బలవంతంగా వివాహం చేసుకున్నాడు. అమెరికాకు చెందిన ఆఫ్ఘన్ అవుట్‌లెట్ Amu.tv ప్రకారం.. ఈ వివాహం మార్జా జిల్లాలో జరిగింది. మరో ఇద్దరు భార్యలు ఉన్న ఆ వ్యక్తి.. బాలిక కుటుంబానికి వివాహానికి డబ్బులు ఇచ్చినట్లు ఆరోపణలు ఉన్నాయి. అయితే తాలిబన్ పాలకులు.. ఆ వ్యక్తి బాలికను తన ఇంటికి తీసుకెళ్లకుండా నిరోధించడానికి జోక్యం చేసుకున్నారు. తొమ్మిదేళ్ల వయసులో ఆమెను తన భర్త ఇంటికి పంపవచ్చని సూచించారు. దీనికపై స్థానిక తాలిబన్ అధికారులు ఎలాంటి ప్రకటన విడుదల చేయలేదు.. కానీ వారు ఆ అమ్మాయిని ప్రస్తుతానికి ఆ వ్యక్తి నివాసానికి తీసుకెళ్లకుండా అడ్డుకున్నారు.
బాలిక తండ్రి, వరుడిని మార్జా జిల్లాలో అరెస్టు చేశారు. హష్ట్-ఇ సుబ్ డైలీ నివేదించిన ప్రకారం.. ఆ బాలిక ప్రస్తుతం ఆమె తల్లిదండ్రుల ఇంటి వద్ద ఉంది. ఈ సంఘటన సోషల్ మీడియాలో తీవ్ర ఆగ్రహాన్ని రేకెత్తించింది.
