Video : టేకాఫ్‌కు ముందు విమానంలో పొగ‌లు.. భ‌యంతో ప‌రుగులు పెట్టిన‌ 179 మంది ప్రయాణికులు

అమెరికాలో శనివారం పెను విమాన ప్రమాదం తప్పింది. సమాచారం ప్రకారం.. అమెరికాలోని డెన్వర్ విమానాశ్రయంలో టేకాఫ్‌కు ముందు ప్రయాణీకుల విమానం ల్యాండింగ్ గేర్‌లో సమస్య ఏర్పడింది. దీంతో మంటలు, పొగలు రావడం మొదలైంది. సమస్య తలెత్తడంతో ఈ విమానాన్ని రద్దు చేయాల్సి వచ్చింది. ఘటనపై సమాచారం అందిన వెంటనే విమానాశ్రయంలో ఉన్న అధికారులు రంగంలోకి దిగారు. విమానం నుండి ప్రయాణికులను మొదట బ‌య‌ట‌కు తరలించారు. భద్రతా చర్యల్లో ఒకరికి స్వల్ప గాయాలైనట్లు అధికారులు తెలిపారు.

విమానంలో సిబ్బందితో పాటు మొత్తం 179 మంది ప్రయాణికులు ఉన్నట్లు సమాచారం. బోయింగ్ 737 మ్యాక్స్ 8 ఎయిర్‌క్రాఫ్ట్ ద్వారా నిర్వహించబడుతున్న అమెరికన్ ఎయిర్‌లైన్స్ విమానం AA-3023 మయామికి వెళ్లాల్సి ఉంది. అప్పటికే విమానంలో ప్రయాణికులు ఎక్కి టేకాఫ్ కోసం సన్నాహాలు చేస్తున్నారు. ఈ సమయంలో ల్యాండింగ్ గేర్‌లో సమస్య గమనించబడింది. ఈ ఘటనపై విమానయాన సంస్థ ప్రకటన కూడా వెలువడింది. టైర్‌లో మెయింటెనెన్స్‌కు సంబంధించిన సమస్య ఉందని కంపెనీ తెలిపింది. ఈ మొత్తం ఘటనకు సంబంధించిన వీడియో కూడా బయటకు వచ్చింది. విమానం టైర్ల దగ్గర నుంచి పొగలు రావడం వీడియోలో కనిపిస్తోంది. భయాందోళనకు గురైన ప్రయాణికులు విమానం నుంచి కిందకు దిగుతున్నారు. దీంతో ఆ ప్రాంతమంతా పొగతో నిండిపోయింది.

ఫెడరల్ ఏవియేషన్ అడ్మినిస్ట్రేషన్ (FAA) డెన్వర్ విమానాశ్రయం నుండి మధ్యాహ్నం 2:45 గంటలకు టేకాఫ్ అవుతుండగా విమానం ల్యాండింగ్ గేర్ క్రాష్ అయ్యే అవకాశం ఉందని నివేదించింది. రన్‌వే నుంచి ప్రయాణికులను ఖాళీ చేయించి బస్సులో టెర్మినల్‌కు తరలించినట్లు అధికారులు తెలిపారు. ఈ ఘటనపై తదుపరి విచారణ జరుపుతామని FAA తెలిపింది.

ఈ ఘటనకు సంబంధించి డెన్వర్ ఎయిర్‌పోర్ట్ అధికారులు ఒక ప్రకటన విడుదల చేశారు. విమానం రన్‌వేపై ఉండగా టేకాఫ్‌కు సిద్ధమవుతున్న సమయంలో ఈ ఘటన జరిగినట్లు అధికారులు తెలిపారు. ఘటనపై సమాచారం అందిన వెంటనే అగ్నిమాపక సిబ్బందికి సమాచారం అందించారు. ప్రయాణికులందరినీ సురక్షితంగా తరలించారు. సాయంత్రం 5.10 గంటలకు మంటలు అదుపులోకి వచ్చినట్లు తెలిపారు.