విద్యార్థితో 'థర్డ్-డిగ్రీ' శృంగారం.. టీచర్కు 30 ఏళ్ల జైలుశిక్ష
అమెరికాలోని మేరీల్యాండ్‌కు చెందిన ఓ మాజీ టీచర్కు కోర్టు 30 ఏళ్ల జైలు శిక్ష విధించింది.
By Medi Samrat Published on 21 Nov 2024 10:27 AM GMT
అమెరికాలోని మేరీల్యాండ్‌కు చెందిన ఓ మాజీ టీచర్కు కోర్టు 30 ఏళ్ల జైలు శిక్ష విధించింది. విద్యార్థినితో అక్రమ సంబంధం పెట్టుకున్న 32 ఏళ్ల మెలిస్సా కర్టిస్‌కు కోర్టు ఈ శిక్ష విధించింది. మేరీల్యాండ్‌లో 14 ఏళ్ల విద్యార్థినిని పదే పదే లైంగికంగా వేధించిన మిడిల్ స్కూల్ మాజీ టీచర్ కర్టిస్‌కు మూడు దశాబ్దాల జైలు శిక్ష విధించబడింది.
మోంట్‌గోమేరీ కౌంటీ డిస్ట్రిక్ట్ అటార్నీ కార్యాలయం, డిస్ట్రిక్ట్ కోర్ట్ ఆఫ్ మేరీల్యాండ్ నుండి బుధవారం USA టుడే పొందిన కోర్టు పత్రాల సమాచారం ప్రకారం.. జూన్ 20న థర్డ్-డిగ్రీ సెక్స్ నేరానికి సంబంధించి మూడు నేరాలను మేరీ కర్టిస్ అంగీకరించింది.
ఏజెన్సీ అంత‌కుముందు విడుదల చేసిన సమాచారం ప్రకారం.. మోంట్‌గోమేరీ విలేజ్ మిడిల్ స్కూల్‌లో ఉపాధ్యాయురాలిగా ఉన్న కర్టిస్.. తనను లైంగికంగా వేధించింద‌ని ఎనిమిదో తరగతి బాధితుడు ఫిర్యాదు చేశాడు.. మోంట్‌గోమేరీ కౌంటీ పోలీస్ డిపార్ట్‌మెంట్ అక్టోబర్ 2023 ప్రారంభంలో దర్యాప్తు ప్రారంభించింది. నేరాలు జరిగినప్పుడు విద్యార్థి వయస్సు 14 సంవత్సరాలు కాగా.. కర్టిస్ వయస్సు 22 సంవత్సరాలు.
ప్రిన్స్ జార్జ్ కౌంటీలోని అప్పర్ మార్ల్‌బోరో పట్టణానికి చెందిన కర్టిస్‌కు శుక్రవారం 30 సంవత్సరాల జైలు శిక్ష విధించినట్లు మోంట్‌గోమేరీ కౌంటీ జిల్లా అటార్నీ కార్యాలయం ప్రతినిధి USA టుడేకు బుధవారం చెప్పారు.
కానీ మోంట్‌గోమెరీ కౌంటీ సర్క్యూట్ కోర్ట్ జడ్జి థెరిసా చెర్నోస్కీ.. కర్టిస్ శిక్షను చాలా వరకు సస్పెండ్ చేశారు.. ఆమె 12 నెలల జైలు శిక్షను అనుభవించడానికి అనుమతించింది.. తరువాత ఐదు సంవత్సరాల పరిశీలనలో ఉంటార‌ని ప్రతినిధి చెప్పారు. కర్టిస్ విడుదలైతే తప్పనిసరిగా లైంగిక నేరస్తురాలిగా నమోదు చేసుకోవాలని కోర్టు పేర్కోంది.
2015లో లైంగిక దాడి ప్రారంభమైందని బాధితుడు డిటెక్టివ్‌లకు చెప్పినట్లు నివేదిక‌ల ద్వారా తెలుస్తుంది. కర్టిస్ నడుపుతున్న పాఠశాల అనంతర కార్యక్రమానికి వచ్చినప్పుడు తరచుగా కలిసి ఒంటరిగా ఉండేవాళ్ల‌ని అని ప్రతినిధి చెప్పారు.
మిడిల్ స్కూల్‌లో చదువుతున్నప్పుడు తన ఇంటి వద్ద, అలాగే కర్టిస్ ఇంట్లో "20 కంటే ఎక్కువ సార్లు" లైంగికంగా వేధించిన‌ట్లు డిటెక్టివ్‌లకు బాధితుడు చెప్పినట్లు ఛార్జింగ్ పత్రాలు చూపిస్తున్నాయి. కర్టిస్ బాలుడికి చాలాసార్లు డ్రగ్స్, ఆల్కహాల్ కూడా ఇచ్చినట్లు ఫిర్యాదులో పేర్కొన్నారు.
కర్టిస్ అరెస్ట్ కోసం అక్టోబర్ 31, 2023న వారెంట్ జారీ అయ్యింది. కర్టిస్ నవంబర్ 7, 2023న లొంగిపోయిన‌ట్లు అధికారులు నివేదించారు.
ఆ సమయంలో కర్టిస్ మోంట్‌గోమెరీ కౌంటీలో సుమారు రెండు సంవత్సరాలు ఉపాధ్యాయురాలిగా ఉన్నారు. లేక్‌ల్యాండ్స్ పార్క్ మిడిల్ స్కూల్‌లో కూడా బోధించారు.
ఫాక్స్ 5 న్యూస్‌.. కర్టిస్ 2017లో మోంట్‌గోమేరీ కౌంటీ పబ్లిక్ స్కూల్‌లను విడిచిపెట్టినట్లు నివేదించింది.
