ట్వీట్ డిలీట్ చేసిన ఎలాన్ మస్క్.. భయపడ్డాడా.?

టెక్ దిగ్గజం ఎలోన్ మస్క్ తన X పోస్ట్‌ను తొలగించారు. అమెరికా అధ్యక్షుడు డొనాల్డ్ ట్రంప్ దివంగత లైంగిక నేరస్థుడు జెఫ్రీ ఎప్స్టీన్ కేసుకు సంబంధించిన ఫైళ్లలో పేరు ఉందని ఆ ట్వీట్ లో మస్క్ ఆరోపించారు. గత నెలలో మస్క్ ప్రభుత్వ సమర్థత శాఖ (DOGE) నుండి వైదొలిగారు. అప్పటి నుండి వీరిద్దరి మధ్య విబేధాలు తారాస్థాయికి చేరుకున్నాయి.

మస్క్ ట్రంప్ పేరు సీల్డ్ ఎప్స్టీన్ ఫైళ్లలో ఉందని ఆరోపించారు. "నిజంగా పెద్ద బాంబును వేయాల్సిన సమయం వచ్చింది. డోనాల్డ్ ట్రంప్ ఎప్స్టీన్ ఫైళ్లలో ఉన్నారు. వాటిని బహిరంగంగా ప్రచురించకపోవడానికి అదే నిజమైన కారణం. మీకు మంచి రోజు, DJT!" అని X పోస్ట్‌లో అన్నారు. ఆ తర్వాత ఈ పోస్టును డిలీట్ చేశాడు.

ఫైనాన్షియర్ లైంగిక అక్రమ రవాణా ముఠాకు సంబంధించిన కోర్టు పత్రాలు, సాక్ష్యాలు, సీల్డ్ రికార్డుల సమాహారమైన ఎప్స్టీన్ ఫైల్స్ చాలా కాలంగా సంచలన అంశంగా ఉంది. అనేక మంది ప్రముఖుల పేర్లు బయటకు వచ్చినప్పటికీ, మరికొన్ని కోర్టు ఆదేశాల వెనుక దాగి ఉన్నాయి. ట్రంప్ ఎప్స్టీన్‌తో సంబంధాలు కలిగి ఉన్నారని మస్క్ ఇటీవల చేసిన వ్యాఖ్యలు ఊహాగానాలను తిరిగి రేకెత్తించాయి. ఈ కేసుకు సంబంధించిన సున్నితమైన ఫైళ్లను ప్రభుత్వం ఇప్పటికీ దాచిపెడుతోందని చాలామంది నమ్ముతారు.