పశ్చిమాఫ్రికాలో ఘోర ప్రమాదం.. ఆయిల్‌ ట్యాంకర్‌ పేలి 91 మంది మృతి
At least 91 people died after a fuel tanker exploded in Sierra Leone. పశ్చిమాఫ్రికా దేశంలో ఘోర ప్రమాదం చోటు చేసుకుంది. రాజధాని సియారా లియోన్‌లోని ఆయిల్‌ ట్యాంకర్‌ పేలడంతో 91 మంది మృతి చెందినట్లు
By అంజి Published on 6 Nov 2021 10:56 AM GMT
పశ్చిమాఫ్రికా దేశంలో ఘోర ప్రమాదం చోటు చేసుకుంది. రాజధాని సియారా లియోన్‌లోని ఆయిల్‌ ట్యాంకర్‌ పేలడంతో 91 మంది మృతి చెందినట్లు తెలుస్తోంది. కొద్ది గంటల క్రితమే ఈ విషాద ఘటనతో అక్కడ రోడ్లన్నీ రక్త సిక్తమయ్యాయి. వివరాల్లోకి వెళ్తే.. ఫ్రీటౌన్‌లో ఓ ఆయిల్‌ ట్యాంకర్‌ ప్రమాదానికి గురైంది. దీంతో అందులోని ఇంధనం లీకయ్యింది. ఇంధనం లీకు కావడాన్ని గమనించిన కొందరు.. దానిని సేకరించేందుకు ఆయిల్‌ ట్యాంకర్‌ దగ్గరకు వెళ్లారు. ఈ క్రమంలోనే ఆ ఆయిల్‌ ట్యాంకర్‌ భారీ శబ్దంతో పేలింది. దీంతో ఇంధనాన్ని సేకరించేచందుకు ట్యాంకర్‌ దగ్గరకు వచ్చిన వారు అందరూ తునాతునకలయ్యారు. ఘటనా స్థలి దగ్గరలో ఉన్న షాపులకు, రోడ్డుపై వెళ్తున్న వారికి మంటలు అంటుకున్నాయి.
ఆ పరిసర ప్రాంతంలో ఎక్కడా చూసినా కాలిపోయిన మృతదేహాలే కనిపిస్తున్నాయి. ఈ ప్రమాదంలో ఇప్పటి వరకు 91 మంది మృతదేహాలను స్వాధీనం చేసుకోగా.. మృతుల సంఖ్య మరింత పెరిగే అవకాశం ఉందని అక్కడి అధికారులు తెలిపారు. ప్రస్తుతం ఘటనా స్థలంలో సహాయక చర్యలు కొనసాగుతున్నాయి. స్థానిక అధికారులు అక్కడి పరిస్థితుల్ని సమీక్షిస్తున్నారు. ఈ ఘటనపై పశ్చిమాఫ్రికా దేశ అధ్యక్షుడు జూలియస్‌ మాడా బియో తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. మృతుల కుటుంబాలకు, గాయపడ్డ వారికి ప్రభుత్వం అండగా నిలుస్తుందని మాడా బియో హామీ ఇచ్చారు.
