హైదరాబాద్ కు వాతావరణ శాఖ హెచ్చరిక..!

ఈరోజు హైదరాబాద్ నగరంలో ఉరుములు, మెరుపులతో కూడిన వర్షాలు కురిసే అవకాశం ఉందని భారత వాతావరణ విభాగం (ఐఎండీ) తెలిపింది. ఈరోజు మధ్యాహ్నం తేలికపాటి వర్షపాతం, ఉరుములు, మెరుపులతో కూడిన వర్షం కురిసే అవకాశం ఉందని వాతావరణ శాఖ తెలిపింది. గాలి గంటకు 40 కి.మీ. వేగంతో వీచే అవకాశం ఉందని తెలిపారు. వర్షాలు, ఉరుములు, మెరుపులతో కూడిన వర్షం పడే అవకాశం ఉన్నందున హైదరాబాద్‌లోని అన్ని ప్రాంతాలకు వాతావరణ శాఖ ఎల్లో అలర్ట్ ప్రకటించింది.

మంగళవారం వరకు ఉరుములు, మెరుపులు, కుంభవృష్టి కురిసే అవకాశం ఉన్నందున జూన్ 25 వరకు రాష్ట్రవ్యాప్తంగా ఎల్లో అలర్ట్ ప్రకటించింది. హైదరాబాద్‌లో జూన్ 24 వరకు తేలికపాటి వర్షాలు, ఉరుములతో కూడిన జల్లులు కురుస్తాయని వాతావరణ శాఖ అంచనా వేసింది. సోమవారం వరకు ఆకాశం మేఘావృతమై ఉంటుందని వాతావరణ శాఖ అధికారులు తెలిపారు.