రిసార్ట్స్, కన్వెన్షన్ సెంటర్‌ను కూల్చేసిన హైడ్రా

హైదరాబాద్ డిజాస్టర్ రెస్పాన్స్, అసెట్స్ మానిటరింగ్ అండ్ ప్రొటెక్షన్ ఏజెన్సీ (హైడ్రా) ఫిబ్రవరి 13న మేడ్చల్-మల్కాజిగిరి జిల్లా తూముకుంట మున్సిపాలిటీలోని కోమటికుంట, దేవర్యాంజాల్ గ్రామంలో ప్రకృతి రిసార్ట్స్, ప్రకృతి కన్వెన్షన్‌ను కూల్చివేసింది.

కోమ‌టి కుంట చెరువు ప‌రిధిలో నిర్మించిన ప్రకృతి రిసార్ట్స్‌, ప్రకృతి క‌న్వెన్షన్ కు ఎలాంటి నిర్మాణ అనుమ‌తులు లేవ‌ని హైడ్రా తెలిపింది. అలాగే చెరువు ఎఫ్‌టీఎల్ ప‌రిధిలోనే ఈ నిర్మాణాలు జ‌రిగిన‌ట్టు విచారణలో తేలింది. హైడ్రా నోటీసులపై ప్రకృతి రిసార్ట్స్‌, ప్రకృతి క‌న్మెన్షన్ ప్రతినిధులు హైకోర్టును ఆశ్రయించారు. ఇరిగేష‌న్‌, రెవెన్యూ, మున్సిపాలిటీ అధికారులు ఇచ్చిన నివేదిక‌ల ఆధారంగా చెరువు ఎఫ్‌టీఎల్ ప‌రిధిలో నిర్మించిన వాటిని కూల్చివేయాలంటూ హైకోర్టు తీర్పు ఇచ్చింది.