కరోనా కార‌ణంగా లాక్‌డౌన్ కొన‌సాగుతున్న‌ నేపథ్యంలో మృతదేహం లేకుండానే అంత్యక్రియలు చేశారు కుటుంబ స‌భ్యులు. వివ‌రాళ్లోకెళితే.. ఒరిస్సా రాష్ట్రంలోని గంజాం జిల్లా హరీపూర్ గ్రామానికి చెందిన ఓ వ్య‌క్తి గుజరాత్ రాష్ట్రంలోని సూరత్ నగరంలో వలసకార్మికుడిగా పనిచేస్తున్నాడు.

లాక్‌డౌన్‌లో చిక్కుకొని ఆ వ్య‌క్తి ఎట్ట‌కేల‌కు తన స్వగ్రామం హరీపూర్ చేరుకున్నాడు. అయితే.. ఆ వ్య‌క్తి ఆస్తమాతో బాధపడుతుండ‌టంతో.. అతని కుటుంబసభ్యులు ఈ నెల 12న భంజానగర్ ఆసుపత్రికి తీసుకెళ్లారు. అక్కడ వైద్యులు ఆ వ్య‌క్తిని పరీక్షించి బెర్హంపూర్ నగరంలోని ఎంకేసీజీ మెడికల్ కళాశాలకు పంపించారు.

అయితే.. ఎంకేసీజీ మెడికల్ కళాశాల వైద్యులు ఆ వ్య‌క్తిని అక్క‌డి నుండి సీతాలపల్లిలోని కొవిడ్ ఆసుపత్రికి పంపారు. అక్క‌డ కరోనా లక్షణాలతో ఆ వ్య‌క్తి మరణించడంతో అతని మ‌ృతదేహానికి వైద్యులు పరీక్షలు జరిపారు. ఆ పరీక్షల్లో మ‌ర‌ణించిన వ్య‌క్తికి కరోనా లేదని తేలింది. అయినా అధికారులు.. పొరపాటున ఆ వ్య‌క్తి కరోనా వైరస్ కార‌ణంగానే మరణించాడని ప్రకటించారు.

ఆ వ‌ల‌స కార్మికుడు కరోనాతో మరణించలేద‌ని.. అధికారులు తప్పుగా ప్రకటించార‌ని తెలిసినా హరీపూర్ గ్రామస్థులు అతని మృతదేహానికి గ్రామంలో అంత్య‌క్రియ‌లు జ‌రిపేందుకు అభ్యంతరం తెలిపారు. దీంతో కుటుంబ స‌భ్యులు సీతాలపల్లిలో మృతదేహానికి అంత్యక్రియలు జరిపి.. అనంతరం ఇసుకతో ఓ మృతదేహం బొమ్మను తయారు చేసి దానికి హరీపూర్ గ్రామంలో అంత్యక్రియలు జరిపారు. అంత్యక్రియల్లో మృతుడి కుటుంబసభ్యులు, సమీప బంధువులు పాల్గొని నివాళులు అర్పించారు. క‌రోనా కార‌ణంగా చాలా చోట్ల ఇటువంటి ప‌రిస్థితులే జ‌రుగుతున్నా.. అధికారులు మాత్రం బాద్య‌తారాహిత్యంతో వ్య‌వ‌హ‌రిస్తున్నారు.

న్యూస్‌మీటర్ తెలుగు

విశ్వసనీయమైన డిజిటల్ మీడియా ప్లాట్‌ఫారమ్ మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను తెస్తుంది.

Leave a Reply

Your email address will not be published. Required fields are marked *