FactCheck : ప్రధాని నరేంద్ర మోదీ ఈజిప్టు పర్యటనలో స్కల్ క్యాప్ పెట్టుకోలేదు

ప్రధాని నరేంద్ర మోదీ స్కల్ క్యాప్ ధరించి ఉన్న ఫోటో సోషల్ మీడియాలో వైరల్‌గా మారింది. పోస్ట్‌కి సంబంధించిన క్యాప్షన్‌లో ప్రధాని మోదీ ఇటీవల ఈజిప్ట్ పర్యటన సందర్భంగా తీసిన చిత్రం అని పేర్కొన్నారు.

“परहेज तो देसी मुसलमानों से है बाहर तो गोल टोपी भी पहन लेते हैं मिस्टर में मोदी जी,” అంటూ పోస్టులు పెట్టారు.

జూన్ 25న ఈజిప్ట్‌లో ప్రధాని మోదీ పర్యటించారు. ఆ సమయంలో ప్రధాని మోదీ ఈజిప్టు అధ్యక్షుడితో సమావేశమయ్యారు. ఇరు దేశాల మధ్య వాణిజ్యం, పెట్టుబడులను మెరుగుపరచడం, ఇంధన సంబంధాలు, ఇరు దేశాల మధ్య వ్యూహాత్మక భాగస్వామ్యాన్ని బలోపేతం చేసే మార్గాలపై చర్చించారు.

నిజ నిర్ధారణ :

న్యూస్‌మీటర్ వైరల్ చిత్రం మార్ఫింగ్ చేసినట్లు ఆ దావా తప్పు అని గుర్తించింది.

రివర్స్ ఇమేజ్ సెర్చ్‌ను నిర్వహించినప్పుడు.. యునైటెడ్ న్యూస్ ఆఫ్ ఇండియా మీడియా రిపోర్ట్‌లో “PM hails Dawoodi Bohra community for the contributing to Nation-building” అనే శీర్షికతో ముంబై డేట్‌లైన్‌తో, ఫిబ్రవరి 10, 2023న ప్రచురించిన అదే చిత్రాన్ని మేము కనుగొన్నాము.

మీడియా నివేదికలో ఉపయోగించిన ఫోటో వైరల్ పోస్ట్‌లో చూపించినట్లుగా.. ప్రధాని మోదీ ఎలాంటి ఇస్లామిక్ స్కల్ క్యాప్ ధరించలేదని మేము కనుగొన్నాము. వైరల్ ఇమేజ్‌కి ఆయన ఈజిప్ట్ సందర్శనకు ఎలాంటి సంబంధం లేదు.

ప్రధాన మంత్రి మోదీ అధికారిక ట్విట్టర్ హ్యాండిల్‌లో, అదే తేదీన ఆయన ఫేస్ బుక్ అకౌంట్ లో ప్రచురించిన చిత్రాలను కూడా మేము కనుగొన్నాము. ఆ ఫోటోల కింద “Delighted to join the program to mark the inauguration of the new campus of @jamea_saifiyah in Mumbai. @Dawoodi_Bohras” అనే క్యాప్షన్ ఇచ్చారు.

దావూదీ బోహ్రా కమ్యూనిటీ అధికారిక వెబ్‌సైట్‌ను స్కాన్ చేసి, మహారాష్ట్ర సీఎం ఏక్‌నాథ్ షిండే, డిప్యూటీ సీఎం దేవేంద్ర ఫడ్నవీస్‌తో కలిసి ముంబైలో దావూదీ బోహ్రా కమ్యూనిటీకి చెందిన అరబిక్ అకాడమీని ప్రధాని నరేంద్ర మోదీ ప్రారంభించిన చిత్రాలను మేము కనుగొన్నాము.

ప్రధాని మోదీ స్కల్ క్యాప్ ధరించి ఉన్న వైరల్ చిత్రం మార్ఫింగ్ చేశారని, ఆయన ఇటీవలి ఈజిప్ట్ పర్యటన కు సంబంధించింది కాదని మేము నిర్ధారించాము.

Credits : Sunanda Naik