నిజమెంత: ఒడిశాలో ముస్లింలపై హిందువులు దాడి చేశారంటూ వైరల్ అవుతున్న వాదనలో ఎలాంటి నిజం లేదు.

దీపావళి సందర్భంగా టపాసులు కాల్చుతున్న పలు వీడియోలు సోషల్ మీడియాలో వైరల్ అయ్యాయి. సోషల్ మీడియాలో అలాంటి ఓ వీడియో చక్కర్లు కొడుతూ ఉంది. ఆ వీడియోలో హెల్మెట్ ధరించిన ఓ వ్యక్తి భవనం వైపు బాణాసంచా కాల్చడం చూపిస్తుంది, అయితే చుట్టుపక్కల ప్రజలు అతన్ని ఉత్సాహపరిచారు. దీపావళి వేడుకల సందర్భంగా ముస్లింలు చేసిన దాడికి ఒడిశాలోని హిందువులు ప్రతీకారం తీర్చుకుంటున్నట్లు వీడియోను షేర్ చేస్తున్న వారు తెలిపారు.

ఒక X వినియోగదారు ఈ వీడియోను షేర్ చేసి, “దీపావళి జరుపుకుంటున్న హిందువులపై ముస్లింలు దాడి చేశారు. కానీ ఒడియా హిందువులు ఇలా ప్రతీకారం తీర్చుకున్నారు. దీన్ని చూడటం ఆనందంగా ఉంది!" అంటూ పోస్టులు పెట్టారు. (ఆర్కైవ్)

నిజ నిర్ధారణ:

వైరల్ అవుతున్న వాదనలో ఎలాంటి నిజం లేదు.

న్యూస్‌మీటర్ వాదనలో ఎలాంటి నిజం లేదని కనుగొంది. ఈ ఘటనలో మతపరమైన కోణం లేదు.

X పోస్ట్‌పై కామెంట్లను చూస్తున్నప్పుడు, చాలా మంది వినియోగదారులు ఈ క్లెయిమ్‌ను అబద్ధం అంటూ చెప్పడం మేము కనుగొన్నాము, వీడియోలో హాస్టల్ అబ్బాయిలు బాణసంచా కాల్చడం మాత్రమే ఉందని తెలుస్తోంది. (ఆర్కైవ్)

ఈ క్లూని ఉపయోగించి, మేము కీవర్డ్ సెర్చ్ ను నిర్వహించాము. నవంబర్ 1న ఒడిషా TV ప్రచురించిన నివేదికలో వీడియోకు సంబంధించిన స్క్రీన్‌షాట్‌ను కనుగొన్నాము.

‘This is why men die early: Hostel boys launch skyrockets at each other on Diwali.’ అనే టైటిల్ తో వీడియోను షేర్ చేశారు.

ఒడిశాలోని బుర్లాలోని VIMSAR మెడికల్ కాలేజీలో ఈ వీడియోను చిత్రీకరించారు. రెండు గ్రూపుల విద్యార్థులు ఒకరి హాస్టల్ భవనాలపై మరొకరు రాకెట్లను కాల్చడం ఈ వీడియో చూపిస్తుంది.

నవంబర్ 2న ఒడిషా టీవీ యూట్యూబ్ ఛానెల్ ప్రచురించిన అదే విజువల్స్‌ను చూపుతున్న సంఘటనపై వీడియో నివేదికను కూడా మేము కనుగొన్నాము. కళాశాలలోని హాస్టల్‌లో VIMSAR విద్యార్థులు రాకెట్లను విసరడాన్ని వీడియో చూపుతుందని ఛానెల్ పునరుద్ఘాటించింది.

దీపావళి సందర్భంగా బాలుర హాస్టల్‌లోని VIMSAR విద్యార్థులు ఒకరిపై ఒకరు బాణాసంచా కాల్చడం వీడియోలో ఉందని ఒడిశాకు చెందిన మీడియా సంస్థ కనక్ న్యూస్ కూడా ధృవీకరించింది. నవంబర్ 2న ఈ సంఘటనపై వీడియో నివేదికను ప్రచురించింది. ఈ ఘటనలో ఎలాంటి మత కోణాన్ని కూడా ప్రస్తావించలేదు.

కాబట్టి, వైరల్ అవుతున్న వాదనలో ఎలాంటి నిజం లేదని మేము నిర్ధారించాము. బాణాసంచా కాల్చి ముస్లింలపై హిందువులు ప్రతీకారం తీర్చుకుంటున్నట్లు చెబుతున్న వీడియోలో ఎలాంటి నిజం లేదు.

Credit: Md Mahfooz Alam