FactCheck : అమెరికా ప్రెసిడెంట్ జో బిడెన్ అదృశ్య వ్యక్తితో కరచాలనం చేశారా.?

అమెరికా ప్రెసిడెంట్ జో బిడెన్ కంటికి కనిపించని వ్యక్తిని కౌగిలించుకుంటున్నట్లు చూపించే వీడియో సోషల్ మీడియాలో వైరల్ అవుతోంది.

By న్యూస్‌మీటర్ తెలుగు
Published on : 25 Dec 2023 9:15 PM IST

FactCheck : అమెరికా ప్రెసిడెంట్ జో బిడెన్ అదృశ్య వ్యక్తితో కరచాలనం చేశారా.?

అమెరికా ప్రెసిడెంట్ జో బిడెన్ కంటికి కనిపించని వ్యక్తిని కౌగిలించుకుంటున్నట్లు చూపించే వీడియో సోషల్ మీడియాలో వైరల్ అవుతోంది.


“అమెరికా ప్రెసిడెంట్ ఏమైనా బాధపడుతున్నారా? అదృశ్య వ్యక్తులతో చాలాసార్లు కరచాలనం చేసిన తర్వాత, US అధ్యక్షుడు జో బిడెన్ వారిని కౌగిలించుకోవడం ప్రారంభించారు ”అని వీడియోను షేర్ చేసిన ట్విట్టర్ వినియోగదారు పోస్టు పెట్టారు.

చాలా మంది X వినియోగదారులు అదే విషయాన్ని క్లెయిమ్ చేస్తూ వీడియోను షేర్ చేసారు.

నిజ నిర్ధారణ :

వీడియో క్లిప్ ఎడిట్ చేశారని.. పూర్తి వీడియోను చూపలేదని NewsMeter బృందం కనుగొంది.

మేము Xలో సంబంధిత కీవర్డ్ సెర్చ్ ను అమలు చేసాము. వీడియోను మొదటిసారిగా ప్రీమియం వినియోగదారు స్ప్రింటర్ పోస్ట్ చేసినట్లు కనుగొన్నాము. అయితే, మేము పోస్ట్‌కి జోడించిన కమ్యూనిటీ నోట్‌లను కూడా గమనించాము. బిడెన్ వీడియోకు సంబంధించి ఎక్కువ నిడివి ఉన్న లింక్‌ ను గుర్తించాం.. అందులో ఆయన అక్కడ ఉన్న ప్రేక్షకులకు చేతులు ఊపుతూ సైగలు చేస్తున్నట్లు స్పష్టం చేసింది.

డిసెంబర్ 20, 2023న వైట్‌హౌస్ యూట్యూబ్ ఛానెల్ ప్రచురించిన వీడియోని మేము గుర్తించాం. ‘విస్కాన్సిన్ బ్లాక్ ఛాంబర్ ఆఫ్ కామర్స్‌లో ప్రెసిడెంట్ బిడెన్ డెలివర్స్ రిమార్క్స్,’ అనే టైటిల్ తో వీడియోను మనం చూడొచ్చు.


వీడియోను చూసిన తర్వాత, హాల్ మొత్తం ప్రేక్షకులతో నిండి ఉందని మేము కనుగొన్నాము. వైరల్ క్లిప్‌లో బిడెన్ ఎడమ, కుడి వైపున కూర్చున్న ప్రేక్షకులకు సైగలు చేస్తున్నట్లు చూపిస్తుంది.


విస్కాన్సిన్ బ్లాక్ ఛాంబర్ ఆఫ్ కామర్స్ ఎడమ, కుడి వైపున కూర్చున్న వ్యక్తులను చూపించే వీడియోకు సంబంధించిన స్క్రీన్‌గ్రాబ్ చూడొచ్చు.


‘President Biden delivers remarks at the Wisconsin Black Chamber of Commerce — 12/20/23.’ అనే టైటిల్ తో ధృవీకరించిన YouTube ఛానెల్ ద్వారా ప్రచురించిన వీడియోను కూడా మేము కనుగొన్నాము. బిడెన్ తన ప్రసంగాన్ని ముగించిన తర్వాత వైరల్ క్లిప్ 1:4-గంటల టైమ్‌స్టాంప్‌లో కనిపిస్తుంది.

బిడెన్ 'అదృశ్య వ్యక్తులను' పలకరిస్తున్నారనే అభిప్రాయాన్ని సృష్టించేలా ఉద్దేశపూర్వకంగా వైరల్ వీడియోను ఎడిట్ చేశారని మేము గుర్తించాం.

Credits : Md Mahfooz Alam

Claim Review:అమెరికా ప్రెసిడెంట్ జో బిడెన్ అదృశ్య వ్యక్తితో కరచాలనం చేశారా.?
Claimed By:X Users
Claim Reviewed By:Newsmeter Telugu
Claim Source:X
Claim Fact Check:False
Next Story