మొదటి వీకెండ్ లో మంచి వసూళ్లను రాబట్టిన యశోద

సమంత 'యశోద' చిత్రంతో ప్రస్తుతం ప్రేక్షకుల ముందుకు వచ్చింది. నవంబర్ 11న థియేటర్లలో గ్రాండ్ గా రిలీజ్ అయిన ఈ చిత్రం హిట్ టాక్ ను సొంతం చేసుకుంది. ఈ సైంటిఫిక్ యాక్షన్ ఫిల్మ్ బాక్సాఫీస్ వద్ద మంచి కలెక్షన్స్ రాబడుతోంది. మూడు రోజుల్లో 'యశోద' చిత్రం దాదాపుగా బ్రేక్ ఈవెన్ కు దగ్గరికి వచ్చినట్టు తెలుస్తోంది. కేవలం మూడు రోజుల్లోనే రూ.20 కోట్ల మేర వసూల్ చేసినట్టు తెలుస్తోంది. శ్రీదేవి మూవీస్ బ్యానర్ పై నిర్మితమైన ఈ సినిమాకి హరి - హరీశ్ దర్శకత్వం వహించారు.

తెలుగుతో పాటు మలయాళ , కన్నడ, హిందీ భాషల్లోను ఈ సినిమాను విడుదల చేశారు. తొలిరోజునే 6 కోట్లకి పైగా వసూళ్లను రాబట్టింది ఈ సినిమా. తొలిరోజు రూ. 6 కోట్ల గ్రాస్ రాగా.. రూ. 3 కోట్ల మేర షేర్ వసూల్ చేసింది. రెండోరోజు ఆ కలెక్షన్లు రూ. 12 కోట్ల గ్రాస్ కు చేరుకోగా.. రూ.5.76 మేర షేర్ రాబట్టింది. ఇక మూడో రోజు రూ.17.80 కోట్ల గ్రాస్ కలెక్ట్ చేయగా.. రూ.8.37 కోట్ల షేర్ వసూల్ చేసింది. మరో రెండు వారాల వరకూ చెప్పుకోదగిన సినిమాలేవీ లేకపోవడంతో.. 'యశోద' మంచి లాభాలు ఇచ్చే అవకాశం కనిపిస్తోంది.