ఓ వైపు కేజీఎఫ్-2 టీజర్ రికార్డులు.. మరో వైపు సిగరెట్ వెలిగించినందుకు చిక్కులు
Smoking Scene in KGF Chapter 2 Teaser Irks Karnataka Health Department. కేజీఎఫ్-2 టీజర్ సామాజిక మాధ్యమాల్లో సరికొత్త రికార్డులతో దూసుకుపోతోంది.
By Medi Samrat Published on 15 Jan 2021 7:15 AM GMT
కేజీఎఫ్-2 టీజర్ సామాజిక మాధ్యమాల్లో సరికొత్త రికార్డులతో దూసుకుపోతోంది. ఈ టీజర్ లో హీరో ఎలివేషన్ షాట్స్ హైలైట్ అయ్యాయి. కానీ కేజీఎఫ్-2 టీజర్ ఆ సినిమా దర్శకుడు ప్రశాంత్ నీల్, నటుడు యశ్‌లకు చిక్కులు తెచ్చిపెట్టింది. ఈ టీజర్ చివరి సీన్‌లో తుపాకితో వాహనాలను వరుసగా షూట్ చేసే యశ్.. ఆ తర్వాత తుపాకి గొట్టంతో సిగరెట్ ముట్టించుకుంటాడు. ఈ సీన్ వస్తున్నప్పుడు యాంటీ స్మోకింగ్ వార్నింగ్ వేయలేదని ఆరోపిస్తూ కర్ణాటక స్టేట్‌ యాంటీ టొబాకో సెల్‌ నోటీసులు జారీ చేసింది. ఎందుకు వేయలేదో కారణం చెప్పాలని అందులో పేర్కొంది. "ఆ సీన్ చూపించేటపుడు `యాంటీ స్మోకింగ్ వార్నింగ్` వేయలేదు. అందుకే స్టేట్‌ యాంటీ టొబాకో సెల్‌ చిత్ర బృందానికి నోటీసులు నోటీసులు జారీ చేసింది" అని ఓ అధికారి తెలిపారు.
బాలీవుడ్ నటులు సంజయ్ దత్, రవీనా టాండన్‌తో పాటు టాలీవుడ్ విలక్షణ నటుడు రావు రమేష్ ఈ సినిమాలో ఉండడంతో భారీ అంచనాలు నెలకొన్నాయి. కేజీఎఫ్-2 టీజర్ లో అధీరాగా సంజయ్ దత్ కనిపించాడు. కత్తి పట్టుకుని అతడు చేసే వినాశనం ఒక ఎత్తైతే.. ఆఖర్లో రాకీ భాయ్ పెద్ద గన్ తీసుకుని పోలీసు వాహనాలను కాల్చేసి.. సిగరెట్ వెలిగించుకోవడం టీజర్ కు హైలైట్ గా నిలిచాయి.
