సంక్రాంతికి వస్తున్నాం.. వచ్చేస్తోంది..!

2025 సంక్రాంతి పండుగ సమయంలో వచ్చిన సినిమా సంక్రాంతికి వస్తున్నాం. ప్రపంచవ్యాప్తంగా ₹150 కోట్లకు పైగా షేర్ సాధించి అత్యధిక వసూళ్లు సాధించిన తెలుగు చిత్రాలలో ఒకటిగా నిలిచింది. విడుదలైన కొన్ని వారాల తర్వాత కూడా ఈ చిత్రం అద్భుతమైన ఆక్యుపెన్సీతో థియేటర్లలో ప్రదర్శితమైంది.

విడుదలైన నాలుగు వారాల్లోనే OTTలో వచ్చే అనేక ఇటీవలి చిత్రాలకు భిన్నంగా, సంక్రాంతికి వస్తున్నాం ఇంకా ఓటీటీకి దూరంగానే ఉంది. ఇక సినిమా థియేట్రికల్ రన్ దాదాపుగా పూర్తయింది. జీ గ్రూప్ ఈ సినిమా డిజిటల్, శాటిలైట్ హక్కులను కొనుగోలు చేసింది. OTT ప్రీమియర్‌ల కారణంగా శాటిలైట్ మార్కెట్ క్షీణించడంతో, జీ కొత్త వ్యూహంతో ప్రయోగాలు చేస్తోంది. మొదట OTTలో విడుదల చేయడం, కొన్ని నెలల తర్వాత టెలివిజన్‌లో ప్రీమియర్ చేయడం ఇన్ని రోజులూ సాగింది. జీ సంస్థ అందుకు భిన్నంగా మొదట టీవీలో టెలీకాస్ట్ చేయబోతోంది. సంక్రాంతికి వస్తున్నాం మొదట మార్చి 9న టెలివిజన్ లో ప్రీమియర్‌ అవ్వనుంది. ఆ తర్వాత మరుసటి రోజు OTTలో విడుదల అవుతుంది.