ఆదిపురుష్.. అప్పుడే భారీ వసూళ్లు

ప్రభాస్, కృతి సనన్ జంటగా నటించిన ఆదిపురుష్ సినిమా జూన్ 16న ప్రేక్షకుల ముందుకు రానుంది. ఓం రౌత్ దర్శకత్వం వహించిన ఆదిపురుష్‌ను టి-సిరీస్, యువి క్రియేషన్స్ నిర్మించాయి. పీపుల్ మీడియా ఫ్యాక్టరీ ఆదిపురుష్‌ని తెలుగులో సమర్పిస్తోంది. జూన్ 6న ఈ సినిమా ప్రీ రిలీజ్ ఈవెంట్‌ని తిరుపతిలో గ్రాండ్‌గా నిర్వహించనున్నారు. అందుకు సంబంధించిన ఏర్పాట్లు చేస్తున్నారు. భారీ బడ్జెట్ తో రూపుదిద్దుకున్న ఈ చిత్రం తెలుగు హక్కులు నాన్ థియేట్రికల్ హక్కులతో అయితే ఏకంగా 400 కోట్ల మేర బిజినెస్ ని జరిపినట్టుగా తెలుస్తుంది. సినిమాకు సంబంధించి చాలా మొత్తం ఈ హక్కులతోనే వచ్చేశాయని అంటున్నారు. ఇక రిలీజ్ అయ్యాక వసూళ్ల రూపంలో ఆదిపురుష్ ఎంత రాబడుతుందో చూడాలి.

ఈసినిమా ప్రీ రిలీజ్ ఈవెంట్ తిరుపతిలో శ్రీ వెంకటేశ్వర యూనివర్సిటీ స్టేడియం లో నిర్వహిస్తున్నట్టుగా కన్ఫర్మ్ చేశారు. జూన్ 6 సాయంత్రం 5 గంటల నుంచి ఈ ఈవెంట్ స్టార్ట్ అవుతున్నట్టుగా మేకర్స్ తెలిపారు. కొన్ని లక్షల మంది వచ్చినా చూసే విధంగా ఈవెంట్ ను ఏర్పాటు చేస్తున్నారు. ఆదిపురుష్ సినిమాలో ప్రభాస్, కృతి సనన్ తో పాటు సైఫ్ అలీ ఖాన్, సన్నీ సింగర్ కీలకపాత్రల్లో కనిపించబోతున్నారు.