గుడ్ న్యూస్ చెప్పిన పవన్ కళ్యాణ్.. రిటైర్మెంట్ అయితే లేదు

పవన్ కళ్యాణ్ టాలీవుడ్‌లో అతిపెద్ద స్టార్లలో ఒకరు. ఆయనకు భారీ అభిమానుల ఫాలోయింగ్ ఉంది. 2024 అసెంబ్లీ ఎన్నికల్లో గెలిచిన తర్వాత ఆయన ఆంధ్రప్రదేశ్‌కు ఉప ముఖ్యమంత్రి అయ్యారు. అయితే ఆయన మూడు సినిమాలు పెండింగ్ లో ఉన్నాయి. ఈ మూడు సినిమాల తర్వాత ఆయన ఏ సినిమా కమిట్ అవ్వకపోవచ్చని అంటున్నారు. అయితే ఇటీవల ఇచ్చిన ఓ ఇంటర్వ్యూలో పవన్ కళ్యాణ్ తన రాజకీయ జీవితం బిజీగా ఉన్నప్పటికీ సినిమాల నుండి రిటైర్ కావడం లేదని తెలిపారు.

సంవత్సరానికి కొన్ని రోజులు మాత్రం సినిమాలకు కేటాయించే అవకాశం ఉంది. ఇది ఆయన అభిమానులకు, సినీ ప్రేక్షకులకు కూడా సంతోషకరమైన వార్త అని చెప్పొచ్చు. పవన్ కళ్యాణ్ తన రాజకీయ జీవితం బిజీగా ఉన్నప్పటికీ సినిమాల నుండి రిటైర్ కావడం లేదని తెలుసుకున్న PSPK అభిమానులు ఆనందాన్ని వ్యక్తం చేస్తున్నారు. పవన్ కళ్యాణ్ కఠినమైన డైట్ పాటిస్తూ హరి హర వీర మల్లు, OG కోసం తన బ్యాలెన్స్ షూటింగ్‌ను పూర్తి చేయాల్సి ఉంది. ఈ వేసవిలో అతను రెండు చిత్రాల షూటింగ్‌ను పూర్తి చేయడానికి సిద్ధంగా ఉన్నారు. హరి హర వీర మల్లు మే 9న విడుదల అవుతుందని ఇప్పటికే ప్రకటించారు. OG సెప్టెంబర్‌లో వచ్చే అవకాశం ఉంది.