రాజమౌళిపై ఆయన కోపం ఏ మాత్రం తగ్గడం లేదు..!
Boney Kapoor accuses SS Rajamouli. దర్శక ధీరుడు రాజమౌళి సినిమాలు అంటే చాలు.. భారతదేశంలోని సినీ ప్రేమికులు
By Medi Samrat
ఇదే విషయాన్ని మరోసారి బోనీకపూర్ చెప్పుకొచ్చారు. ఒకే నెలలో రెండు రోజుల తేడాతో ఒకే హీరో నటించిన సినిమాల‌ను విడుదల చేయడం దురదృష్టకరమని.. ఆర్ఆర్ఆర్ లో అజయ్ దేవ్‌గణ్‌ కీలకపాత్ర పోషిస్తున్నారని, తాను నిర్మాతగా వ్యవహరిస్తోన్న మైదాన్ లో అజయ్ ప్రధాన పాత్రలో నటిస్తున్నాడ‌ని బోనీ క‌పూర్ చెప్పారు. ఈ సినిమాను గ‌త ఏడాది విడుదల చేయాలనుకున్నామ‌ని, కరోనా కారణంగా షూటింగ్ నిలిచిపోయిందని తెలిపారు. సినిమా కోసం తాము అనుకున్న దానికంటే భారీగానే ఖర్చుపెట్టామ‌ని తెలిపారు. మ‌ళ్లీ సినిమా షూటింగ్ ప్రారంభించిన సమయంలోనే తాము మైదాన్ విడుదల తేదీని ప్ర‌క‌టించామ‌ని తెలిపారు.
తాము ఆ ప్ర‌క‌ట‌న చేసిన కొన్ని రోజులకే ఆర్ఆర్ఆర్ సినిమా విడుదల ప్ర‌క‌ట‌న వ‌చ్చింద‌ని చెప్పారు. ఇది అనైతికమైన చర్య అని.. ఈ విష‌యంపై ఇటీవల రాజమౌళితో ఫోన్‌లో మాట్లాడగా.. విడుదల తేదీతో తనకు సంబంధం లేదని చెప్పార‌ని అన్నారు. అది నిర్మాతల ఇష్టప్రకారం జరిగిందని ఆయన అన్నార‌ని, ఆయన మాటలను తాను నమ్మాలనుకోవడం లేదని చెప్పారు. ఆ సినిమా విడుదల గురించి అజయ్ దేవగణ్ కూ ముందుగా చెప్పి ఉండ‌క‌పోవ‌చ్చ‌ని అభిప్రాయప‌డ్డారు.
