రూ.16 కోట్లు విలువైన డ్రగ్స్ ప్రైవేట్ పార్ట్స్‌లో దాచేసింది.. ఎట్టకేలకు పోలీసులకు చిక్కింది..
Woman hiding 60 capsules of drugs in private parts, caught at airport. రాజస్థాన్‌లో డ్రగ్స్‌తో కూడిన 60 క్యాప్సూల్స్‌ను తన ప్రైవేట్ పార్ట్స్‌లో దాచుకున్న ఆఫ్రికన్ మహిళను
By Medi Samrat Published on 22 Feb 2022 6:14 AM GMT
రాజస్థాన్‌లో డ్రగ్స్‌తో కూడిన 60 క్యాప్సూల్స్‌ను తన ప్రైవేట్ పార్ట్స్‌లో దాచుకున్న ఆఫ్రికన్ మహిళను అధికారులు పట్టుకున్నారు. జైపూర్ అంతర్జాతీయ విమానాశ్రయంలో మహిళను అరెస్టు చేశారు. నిందితురాలు ఆఫ్రికా నివాసి అని చెబుతున్నారు. ఆ మహిళ శనివారం (ఫిబ్రవరి 19, 2022) ఆలస్యంగా జైపూర్‌కు చేరుకుంది. విచారణ సమయంలో, 'డైరెక్టరేట్ ఆఫ్ రెవెన్యూ ఇంటెలిజెన్స్ (DRI)' బృందం మహిళను అరెస్టు చేసింది. అక్కడి నుంచి సవాయ్‌ మాన్‌సింగ్‌ ఆస్పత్రికి తీసుకొచ్చారు.
అదే సమయంలో మహిళ ప్రైవేట్ పార్ట్‌లో దాచిన 60 క్యాప్సూల్స్‌ను వైద్యుల బృందం గుర్తించింది. ఆ మహిళ పేరు అమనీ హావెన్స్ లోపెజ్. ఆమె UAEలోని షార్జా నుండి విమానంలో తెల్లవారుజామున 3 గంటలకు జైపూర్ చేరుకున్నారు. ఈ క్యాప్సూల్స్‌లో రెండు కిలోల డ్రగ్స్ ఉన్నట్లు గుర్తించారు. వీటి ధర దాదాపు 16 కోట్లు ఉంటుందని సమాచారం. ప్రస్తుతం సవాయ్‌ మాన్‌సింగ్‌ ఆస్పత్రిలో చికిత్స పొందుతున్న మహిళ ఆరోగ్యాన్ని వైద్యులు నిరంతరం పర్యవేక్షిస్తున్నారు. మహిళ ప్రైవేట్ పార్ట్ నుండి క్యాప్సూల్స్ తొలగించడానికి 2 రోజులు పట్టింది.
2021 డిసెంబర్‌లో జైపూర్ విమానాశ్రయం నుంచి కస్టమ్స్ బృందం రూ.90 కోట్ల విలువైన డ్రగ్స్‌ను కూడా స్వాధీనం చేసుకుంది. కెన్యాకు చెందిన ఓ మహిళా ప్రయాణికురాలు 12.9 కిలోల హెరాయిన్‌ను అక్రమంగా తరలిస్తూ పట్టుబడింది. ఈ విమానాశ్రయంలో బంగారం స్మగ్లింగ్ కూడా పెద్ద ఎత్తున జరుగుతోంది.
