అశ్లీల వీడియోలు చూసేందుకు నిరాకరించిన బాలిక.. ముగ్గురు మైనర్లు కలిసి..

అస్సాంలో దారుణ ఘటన చోటు చేసుకుంది. ఓ ఆరేళ్ల బాలికను అతి దారుణంగా హత్య చేసి చంపారు ముగ్గురు మైనర్‌ బాలురు. అశ్లీల వీడియోలు చూసేందుకు నిరాకరించిన బాలికపై లైంగిక వేధింపులకు పాల్పడి, రాళ్లతో కొట్టి హత్య చేశారు. ఈ ఘటన నాగావ్‌ జిల్లాలోని కలియాబోర్‌ పోలీస్‌ స్టేషన్‌ పరిధిలో జరిగింది. వివరాల్లోకి వెళ్తే.. ఉలుఒనిలోని బాలిబాత్‌లో తండ్రి ఫోన్‌లో అశ్లీల వీడియోలు చూస్తూ ఓ 11 ఏళ్ల బాలుడు వాటికి అడిక్ట్‌ అయ్యాడు. ఆ బాలుడితో పాటు మరో ఇద్దరు బాలురు కూడా అశ్లీల వీడియోలకు బానిసలయ్యారు.

ఈ క్రమంలోనే ఓ 6 ఏళ్ల బాలికను అశ్లీల వీడియోలు చూడాలంటూ వేధించారు. అందుకు ఆ బాలిక నిరాకరించింది. దీంతో ఆమెను లైంగికంగా వేధించి, రాళ్లతో దాడి చేసి హత్య చేశారు. బాలిక మృతదేహాం స్టోన్‌ క్రషింగ్‌ మిల్లు టాయిలెట్‌లో ఈ ఘటన వెలుగులోకి వచ్చింది. దీంతో ఆ బాలిక కుటుంబ సభ్యులు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు 24 గంటల్లో బాలిక హత్య కేసును ఛేదించారు. ముగ్గురు మైనర్‌ బాలురిని పోలీసులు అరెస్ట్ చేశారు. అలాగే విషయం తెలిసినప్పటికీ దాచిన ఓ నిందితుడిని తండ్రిని కూడా పోలీసులు అదుపులోకి తీసుకున్నారు.

ఈ ఘటనపై నాగావ్ జిల్లా సూపరింటెండెంట్ ఆఫ్‌ పోలీస్‌ ఆనంద్‌ మిశ్రా మాట్లాడుతూ.. 6 ఏళ్ల బాలిక హత్య కేసును 24 గంటల్లో పరిష్కరించామని తెలిపారు. మా దర్యాప్తులో 8 నుంచి 11 ఏళ్ల వయస్సు గల ముగ్గురు మైన్‌ బాలురు 6 ఏళ్ల బాలికను దారుణంగా హత్య చేసినట్లు గుర్తించాము. మరోవైపు కాలియాబోర్‌ సబ్‌ డివిజన్‌ పోలీసు అధికారి విచారణలో.. బాలికపై మైనర్లు లైంగిక వేధింపులకు పాల్పడినట్లు గుర్తించామని చెప్పారు. నిందితులు అశ్లీల వీడియోలకు బానిసలు అయినట్లు పోలీసు ఉన్నతాధికారి తెలిపారు. మొబైల్‌ ఫోన్‌ స్వాధీనం చేసుకున్నామన్నారు.