పాఠశాల బస్సులో నర్సరీ చిన్నారిపై అత్యాచారం.. మహిళా సహాయకురాలు ఉండి కూడా..!

భోపాల్: మూడున్నరేళ్ల నర్సరీ స్కూల్ విద్యార్థినిపై స్కూల్ బస్ డ్రైవర్ అత్యాచారానికి పాల్పడ్డాడు. మహిళా సహాయకురాలి సమక్షంలో ఈ ఘటన చోటు చేసుకుంది. ఆ మహిళ ఈ నేరాన్ని కప్పిపుచ్చడానికి ప్రయత్నించింది. దీంతో నిందితులిద్దరినీ పోలీసులు అరెస్టు చేశారు. బాధిత బాలిక తల్లి.. శరీరంపై ఉన్న గుర్తులను చూసి ఏమైందని ఆరా తీయడంతో ఘటన వెలుగులోకి వచ్చింది.

బాధితురాలి కుటుంబం పాఠశాల యాజమాన్యాన్ని సంప్రదించగా.. ఈ ఆరోపణలను ఖండించారు. దీని తర్వాత, పోలీసులకు సమాచారం అందించారు. డ్రైవర్‌ను లైంగిక నేరాల నుండి పిల్లల రక్షణ (పోక్సో) చట్టం కింద అరెస్టు చేసి, అత్యాచారం కేసు నమోదు చేశారు.నేరాన్ని దాచడానికి ప్రయత్నించిన సహాయకురాలిని కూడా అరెస్టు చేశారు. ఈ ఘటనపై మధ్యప్రదేశ్ హోం మంత్రి నరోత్తమ్ మిశ్రా స్పందిస్తూ, నిందితులిద్దరినీ అరెస్టు చేశామని, పాఠశాల యాజమాన్యం కూడా నేరాన్ని కప్పిపుచ్చేందుకు ప్రయత్నించారని ఆరోపించారు. దీంతో వారిని కూడా విచారిస్తామని, దోషులుగా తేలితే చర్యలు తీసుకుంటామని చెప్పారు.