వివాహ వేడుకకు హ‌జ‌రై తిరిగొస్తున్న తొమ్మిది మంది స్నేహితులు దుర్మ‌ర‌ణం

ఆదివారం నాడు రాజస్థాన్‌ లో ఘోర రోడ్డు ప్రమాదం చోటు చేసుకుంది. ఝలావర్ జిల్లాలో ఒక వ్యాన్.. ఒక ట్రక్కును ఢీకొనడంతో తొమ్మిది మంది వ్యక్తులు మరణించారు. వారంతా స్నేహితులని తెలుస్తోంది. వివాహ వేడుక నుండి తిరిగి వస్తున్నప్పుడు ఈ ప్రమాదం చోటు చేసుకుంది. వ్యాన్‌లో మొత్తం 10 మంది ఉన్నారు. వారు మధ్యప్రదేశ్‌లోని దుంగ్రి (ఖిల్చిపూర్)లో ఒక వివాహ వేడుకకు హాజరై తిరిగి వస్తున్నారు.

జిల్లాలోని అక్లెరా పోలీస్ స్టేషన్ పరిధిలోని భోపాల్ రోడ్డులో తెల్లవారుజామున 3 గంటలకు ఈ ప్రమాదం జరిగింది. సమాచారం అందిన వెంటనే, పోలీసులు సంఘటనా స్థలానికి చేరుకుని వ్యాన్‌లో చిక్కుకున్న క్షతగాత్రులను సమీపంలోని సామాజిక ఆరోగ్య కేంద్రానికి తరలించారు. ఆసుపత్రికి తరలించిన 10 మందిలో తొమ్మిది మంది చనిపోయారని వైద్యులు తెలిపారు. గాయపడిన ఒకరు చికిత్స పొందుతున్నారు. అతడు ప్రాణాపాయం నుంచి బయటపడినట్లు ఇన్‌స్పెక్టర్ తెలిపారు. అక్లెరా పట్టణంలో ఒక వివాహ వేడుక జరిగింది, అక్కడ శుక్రవారం మధ్యప్రదేశ్‌లోని ఖిల్చిపూర్ ప్రాంతానికి ఊరేగింపు వెళ్ళింది. శనివారం అర్థరాత్రి, 10 మంది స్నేహితులు పెళ్లి బృందం నుండి తిరిగి వస్తుండగా NH-52లో అక్లెరా సమీపంలో వారి వ్యాన్‌ను ట్రక్కు ఢీకొనడంతో ప్రమాదానికి గురైంది. ట్రక్కు డ్రైవర్‌ను అరెస్టు చేశారు. మరణించిన వారిలో ఏడుగురు స్నేహితులు ఒకే గ్రామానికి చెందినవారు.