దారుణం : 8వ తరగతి బాలికపై అత్యాచారం.. వీడియో తీసి..

బాలికలపై జరుగుతున్న లైంగిక దాడులు ఏ మాత్రం ఆగడం లేదు. 8వ తరగతి చదువుతున్న బాలికపై.. అదే కాలనీలో నివాసం ఉంటున్న వ్యక్తి అత్యాచారానికి పాల్పడ్డాడు. తాను చేసిన చర్యకు సంబంధించిన వీడియోను కూడా చిత్రీకరించి ఇంటర్నెట్‌లో వైరల్ చేశాడు. నసీరాబాద్ సదర్ పోలీసులు నిందితులను అరెస్ట్ చేశారు. ఈ ఘటనకు సంబంధించిన వీడియో వైరల్ అయ్యి.. బాధితురాలి తల్లిదండ్రులకు చేరడంతో విషయం వెలుగులోకి వచ్చింది.

నిందితుడు 31 ఏళ్ల డ్రైవర్‌ అని, బాధితురాలు అదే కాలనీలో నివసిస్తోందని పోలీసులు తెలిపారు. తమ కూతురిపై అత్యాచారానికి పాల్పడుతున్న వీడియో తమకు అందిందని బాలిక తల్లిదండ్రులు తమ పోలీసు ఫిర్యాదులో తెలిపారు. నిందితుడు బాలికను ఏదో పని నిమిత్తం తన ఇంటికి పిలిపించాడని, లోపలికి వెళ్లగానే అత్యాచారం చేశాడని తల్లిదండ్రులు పోలీసులకు తెలిపారు. నిందితుడు ఆమెను బెదిరించి వీడియో కూడా తీశాడని తెలుస్తోంది.

ఈ విషయాన్ని ఎవరికీ చెప్పవద్దని నిందితుడు బాలికను బెదిరించాడు. బాధితురాలి తల్లిదండ్రుల ఫిర్యాదు మేరకు పోలీసులు నిందితుడిని అరెస్ట్ చేశారు. నసీరాబాద్ ఎస్‌హెచ్‌ఓ తెలిపిన వివరాల ప్రకారం.. 10 రోజుల క్రితం వీడియో చిత్రీకరించబడింది. బాలికను వైద్య పరీక్షల నిమిత్తం పంపించారు. నిందితుడైన డ్రైవర్‌పై లైంగిక నేరాల నుంచి పిల్లల రక్షణ (పోక్సో) చట్టం కింద కేసు నమోదు చేశారు. ఈ విషయమై మరింత లోతుగా విచారిస్తున్నట్లు పోలీసులు తెలిపారు.