4 ఏళ్ల చిన్నారిపై 22 ఏళ్ల యువకుడి అత్యాచారం.. నొప్పితో చిన్నారి ఏడుస్తూ..
Man Rapes 4 years old Girl In Madhyapradesh. మధ్యప్రదేశ్‌లోని రేవా జిల్లాలో ఒక వ్యక్తి తన పొరుగున నివసిస్తున్న నాలుగేళ్ల బాలికపై అత్యాచారానికి పాల్పడ్డాడని పోలీసులు సోమవారం తెలిపారు.
By అంజి
మధ్యప్రదేశ్‌లోని రేవా జిల్లాలో ఒక వ్యక్తి తన పొరుగున నివసిస్తున్న నాలుగేళ్ల బాలికపై అత్యాచారానికి పాల్పడ్డాడని పోలీసులు సోమవారం తెలిపారు. ఆదివారం సాయంత్రం ఈ ఘటన జరగడంతో 22 ఏళ్ల నిందితుడిని అరెస్టు చేసినట్లు వారు తెలిపారు. ఇంటి బయట ఆడుకుంటున్న బాలికను ఏదో ఒక సాకుతో నిందితుడు తన వద్దకు రప్పించి అత్యాచారానికి పాల్పడ్డాడు. ఆ తర్వాత బాలిక తన ఇంటి నుంచి ఏడుస్తూ, నొప్పితో విలపిస్తూ బయటకు వచ్చిందని పోలీసు ఇన్‌స్పెక్టర్ దిలీప్ దహియా తెలిపారు.
ఆమె కుటుంబీకులు పోలీసులకు సమాచారం అందించడంతో వారు సంఘటనా స్థలానికి చేరుకుని నిందితుడు పారిపోయేందుకు ప్రయత్నించగా పట్టుకున్నారని అధికారి తెలిపారు. బాలికను ప్రభుత్వ ఆసుపత్రికి తరలించగా పిల్లల వార్డులో చికిత్స పొందుతోంది. ఆమె ప్రాణాపాయం నుంచి బయటపడిందని ఆస్పత్రి అసిస్టెంట్ సూపరింటెండెంట్ డాక్టర్ అతుల్ సింగ్ తెలిపారు. నిందితుడిపై భారతీయ శిక్షాస్మృతిలోని సంబంధిత సెక్షన్లు, లైంగిక నేరాల నుంచి పిల్లల రక్షణ (పోక్సో) చట్టం కింద కేసు నమోదు చేసినట్లు పోలీసు అధికారి తెలిపారు.
