ఆరేళ్ల బాలిక‌పై అత్యాచారం.. నిందితుడు అరెస్ట్‌

ముంబైలో మంగళవారం మైనర్ బాలికపై అత్యాచారానికి పాల్పడ్డాడనే ఆరోపణలపై 35 ఏళ్ల వ్యక్తిని అరెస్టు చేసినట్లు పోలీసులు తెలిపారు. ఈ సంఘటన మన్‌ఖుర్డ్ పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. ఇంట్లో ఒంటరిగా ఉన్న 6 ఏళ్ల బాలికను చూసిన నిందితుడు.. ఇంటికి తీసుకెళ్లి అత్యాచారానికి పాల్పడ్డాడు. బాలిక ఏడుస్తూ ఇంటికి వెళ్లి జరిగిన విషయాన్ని తన తల్లికి చెప్పగా, ఆమె సమీపంలోని పోలీస్ స్టేషన్‌లో నిందితుడిపై ఫిర్యాదు చేసింది.

పోలీసులు భారతీయ శిక్షాస్మృతి (IPC) లోని సెక్షన్ 376, లైంగిక నేరాల నుండి పిల్లల రక్షణ (POCSO) చట్టం కింద కేసు నమోదు చేసి నిందితులను అరెస్టు చేశారు. కేసులో తదుపరి విచారణ కొనసాగుతోంది. ఇదిలావుంటే.. జనవరి 27న మహారాష్ట్రలోని థానేలో పోలీసు సిబ్బందిగా నటిస్తూ 17 ఏళ్ల మైనర్ బాలికపై అత్యాచారం చేసినందుకు ఇద్దరు వ్యక్తులను అరెస్టు చేశారు. నిందితులను సోమవారం కోర్టులో హాజరుపరిచారు.