షాకింగ్ : డాక్టర్ అవ్వాలనుకుంది.. కానీ, తండ్రి చేతుల్లో దెబ్బలు తిని ప్రాణాలు విడిచింది

మహారాష్ట్రలోని సాంగ్లి జిల్లాలో ఒక షాకింగ్ సంఘటన వెలుగు చూసింది. డాక్టర్ కావాలని కలలు కన్న 12వ తరగతి చదువుతున్న ఒక విద్యార్థిని తన తండ్రి చేతుల్లో దెబ్బలు తిని మరణించింది. ఆమె తండ్రి, పాఠశాల ప్రిన్సిపాల్, నీట్ పరీక్షలో తన కుమార్తె తక్కువ మార్కులు రావ‌డంతో కోపంగా ఉన్నాడని తెలుస్తోంది. కోపంతో అతను కూతురిని కర్రతో నిర్దాక్షిణ్యంగా కొట్టాడని ఆరోపణలు ఉన్నాయి.

ఆమెను ఆసుపత్రికి తీసుకెళ్లడానికి బదులు, అతను తన పాఠశాలలో యోగా దినోత్సవ వేడుకకు హాజ‌ర‌య్యేందుకు వెళ్ళాడు. అతను తిరిగి వచ్చేస‌రికి కుమార్తె ఇంట్లో అపస్మారక స్థితిలో పడి ఉన్నట్లు అతను కనుగొన్నాడు. ఆమెను చికిత్స కోసం ఆసుపత్రికి తరలించగా.. అప్పటికే మరణించినట్లు వైద్యులు ప్రకటించారు. పోలీసులు నిందితుడైన తండ్రి, ధోండిరామ్ భోసలేను అరెస్టు చేసి అదుపులోకి తీసుకున్నారు.