జిమ్ లోకి వచ్చిన దొంగ.. ఓనర్ ఏమి చేశాడంటే.?

మధ్యప్రదేశ్‌లోని దతియా జిల్లాలో జిమ్‌లోకి ప్రవేశించిన ఓ దొంగకు ఓనర్ ఊహించని షాక్ ఇచ్చాడు. దొంగతనం చేయడానికి వచ్చిన వాడితో ‘వర్కౌట్’ చేయించాడు. ఈ ఘటనకు సంబంధించిన సీసీటీవీ ఫుటేజీలో దొంగను జిమ్ యజమాని పట్టుకోవడమే కాకుండా ట్రెడ్‌మిల్‌పై పరుగెత్తేలా చేశాడు. ఆ దొంగ జిమ్‌లోకి ప్రవేశించి లోపల తిరుగుతూ ఉన్నాడు. యజమాని అతడిని సీసీటీవీలో గుర్తించారు. దొంగ మైనర్ కావడంతో జిమ్ ఓనర్ ఆ దొంగకు ఎవరూ ఊహించని శిక్ష విధించాడు.

ఇంట్లో ఉన్న జిమ్ యజమాని అర్ధరాత్రి నిద్రలేచి అతని ఫోన్‌ని చెక్ చేయాలని నిర్ణయించుకున్నాడు. తన ఫోన్‌లో జిమ్‌లోని సీసీటీవీ లైవ్ ఫుటేజీని పరిశీలించగా, ఆ స్థలంలో దొంగ తిరుగుతున్నట్లు చూశాడు. వెంటనే జిమ్‌కు వెళ్లిన ఓనర్ ఆ దొంగను పట్టుకున్నాడు. అతడిని పోలీసులకు అప్పగించే ముందు జిమ్ యజమాని ట్రెడ్‌మిల్‌పై పరుగెత్తమని కోరాడు. వర్కౌట్ చేశాక ఆ మైనర్ ను పోలీసులకు అప్పగించాడు జిమ్ ఓనర్.