మనం నలుగురం చనిపోతాం.. ఫేస్‌బుక్ లైవ్ లో అన్నారు.. కాసేప‌టికే..

ఉత్తరప్రదేశ్‌లోని పూర్వాంచల్ ఎక్స్‌ప్రెస్‌వేపై ఘోర ప్రమాదం చోటు చేసుకుంది. ఈ ప్రమాదానికి ముందు గంటకు 230 కిలోమీటర్ల (కిమీ) వేగంతో కారు వెళుతున్నట్లుగా లోపలి నుండి లైవ్ వీడియో పెట్టారు. ఆ వీడియో సోషల్ మీడియాలో వైరల్‌గా మారింది. విషాదకరంగా స్పీడోమీటర్‌ కు సంబంధించిన ఫేస్‌బుక్ లైవ్ లో "చారో మారెంగే (మనం నలుగురం చనిపోతాం)" అని ఒక వ్యక్తి వ్యాఖ్యలు కూడా చేశారు.

శుక్రవారం ఎక్స్‌ప్రెస్‌వేపై వేగంగా వెళ్తున్న కారు ఢీకొనడంతో నలుగురు వ్యక్తులు మరణించారు. బృందం ప్రయాణిస్తున్న BMW కారు గంటకు 300 కిలోమీటర్ల (కిమీ) వేగంతో వెళుతూ.. ఎదురుగా వస్తున్న కంటైనర్ ట్రక్కును ఢీకొట్టింది. ఆ కారులో ఉన్నవారి శరీరాలు సమీపంలో చిందరవందరగా పడిపోయాయి. కారు సుల్తాన్‌పూర్ నుంచి ఢిల్లీకి వెళ్తోంది. రోహ్తాస్‌లోని ఒక ప్రైవేట్ మెడికల్ కాలేజీలో ప్రొఫెసర్ అయిన 35 ఏళ్ల డాక్టర్ ఆనంద్ ప్రకాష్ డ్రైవింగ్ చేసినట్లు నివేదించబడింది.

డాక్టర్ ప్రకాష్ ప్రతి ఒక్కరూ తమ సీటు బెల్ట్‌లను బిగించుకోవాలని వైరల్ వీడియోలో కోరారు. రహదారి ఖాళీగా ఉన్న సమయంలో స్పీడ్ పెంచుతానని వారికి హామీ ఇచ్చాడు. ఎవరైనా మద్యం మత్తులో ఉన్నారో లేదో నిర్ధారణ కాలేదు. యాక్సిడెంట్ చాలా తీవ్రంగా ఉంది. ఢీకొన్న కారు ఇంజిన్.. నలుగురు ప్రయాణీకులు ఎగిరిపోయి కొంత దూరంలో పడిపోయారని క్రాష్ సైట్ విజువల్స్ తెలిపాయి. పోలీసులు, ఉత్తరప్రదేశ్ ఎక్స్‌ప్రెస్‌వేస్ ఇండస్ట్రియల్ డెవలప్‌మెంట్ అథారిటీ (యుపిఇఐడిఎ) అధికారులు వెంటనే సంఘటనా స్థలానికి చేరుకుని సహాయక చర్యలు చేపట్టారని ఒక అధికారి తెలిపారు. బాధితులను బీహార్‌లోని డెహ్రీ నివాసి ఆనంద్ ప్రకాష్, రియల్టర్ అయిన అఖిలేష్ సింగ్, బీహార్‌లోని ఔరంగాబాద్‌కు చెందిన దీపక్ కుమార్, ఇంజనీర్.. ముఖేష్ అనే వ్యాపారవేత్తగా గుర్తించారు. వీరంతా 30 ఏళ్ల మధ్యలో ఉన్నవారే. కంటైనర్ డ్రైవర్ అక్కడి నుంచి పరారయ్యాడు. అతడి ఆచూకీ కోసం పోలీసులు ప్రయత్నిస్తున్నారు.