ఫ్రెంచ్ పర్యాటకురాలిపై అత్యాచారం.. క్యాస్టింగ్ డైరెక్టర్ పుష్పరాజ్ అరెస్ట్

రాజస్థాన్ నగరంలో ఒక ఫ్రెంచ్ పర్యాటకురాలిపై అత్యాచారం చేశాడనే ఆరోపణలతో ఉదయపూర్ పోలీసులు ఓ కాస్టింగ్ డైరెక్టర్‌ను అరెస్టు చేశారు. కాంగ్రెస్ కార్యకర్తల భారీ నిరసన మధ్య నిందితుడు సిద్ధార్థ్ ఓజా అలియాస్ పుష్పరాజ్‌ను సూపరింటెండెంట్ ఆఫ్ పోలీస్ (ఎస్పీ) కార్యాలయంలోకి తీసుకెళ్లారు. అత్యాచార నిందితుడిని ఎస్పీ కార్యాలయానికి తీసుకువచ్చినప్పుడు నిరసనకారులు అతని వైపు దూసుకెళ్లారు. ఈ ఘటన పర్యాటకులతో ప్రసిద్ధి చెందిన రాష్ట్ర ప్రతిష్టను దెబ్బతీసిందని మాజీ ముఖ్యమంత్రి అశోక్ గెహ్లాట్ అన్నారు.

జూన్ 22 రాత్రి ఒక యాడ్ షూటింగ్ లో భాగంగా ఉదయపూర్‌కు వచ్చిన ఒక ఫ్రెంచ్ మహిళపై షూటింగ్ బృందంలోని సభ్యుడు లైంగిక వేధింపులకు పాల్పడ్డాడని ఉదయపూర్ ఎస్పీ యోగేష్ గోయల్ తెలిపారు. ఈ విషయం గురించి పోలీసులకు తెలిసిన వెంటనే FIR దాఖలు చేశామని, బాధితుల వాంగ్మూలాన్ని నమోదు చేసామన్నారు. షూటింగ్ తర్వాత, ఒక రెస్టారెంట్‌లో పార్టీ జరిగింది, అక్కడ సిబ్బందిలో ఒకరైన సిద్ధార్థ్ అలియాస్ పుష్పరాజ్, షూట్ నిర్వహించిన వ్యక్తి, స్మోక్ చేయాలనే నెపంతో ఫ్రెంచ్ మహిళను రెస్టారెంట్ నుండి బయటకు తీసుకెళ్లారని గోయల్ చెప్పారు. ఆ తర్వాత ఆమెను ఓ గదికి తీసుకెళ్లి అత్యాచారం చేశాడని పోలీసు అధికారి తెలిపారు.