పార్క్‌లో 3 ఏళ్ల బాలిక ప‌ట్ల ఆట‌వికంగా ప్ర‌వ‌ర్తించిన వ్య‌క్తి.. కుటుంబ సభ్యులు గ‌మ‌నించి..

మధ్యప్రదేశ్‌ రాజ‌ధాని న‌గ‌రం భోపాల్‌లో దారుణం చోటుచేసుకుంది. న‌గ‌రంలోని పిప్లానీ ప్రాంతంలోని సొసైటీ పార్క్‌లో మూడేళ్ల బాలికను లైంగికంగా వేధించాడనే ఆరోపణలపై మంగళవారం మధ్యాహ్నం 35 ఏళ్ల వ్యక్తిని అరెస్టు చేశారు. నిందితుడు అయోధ్య నగర్‌కు చెందిన రవికాంత్ మౌర్య (35) దినసరి కూలీ. తన కుమార్తె సొసైటీ పార్కులో ఇరుగుపొరుగు పిల్లలతో ఆడుకుంటున్నప్పుడు నిందితులు ఆమెను లైంగికంగా వేధించారని మైనర్ తండ్రి పోలీసులకు ఇచ్చిన ఫిర్యాదులో పేర్కొన్నాడు. నిందితుడు మైనర్ బాలికను ఒడిలోకి తీసుకుని లైంగికంగా వేధించడం ప్రారంభించాడు. బాలిక కుటుంబ సభ్యులు, ఇతర స్థానికులు అతడు దారుణానికి పాల్పడడాన్ని గమనించారు. తదనంతరం, బాలికను రక్షించారు. నిందితుడిని పట్టుకుని పోలీసులకు అప్పగించారు. పోలీసులు నిందితుడిపై ఫోక్సో చ‌ట్టం కింద కేసు నమోదు చేశారు.