ఏపీపై కేటీఆర్ వ్యాఖ్యలను సమర్థించిన నారా లోకేష్
Nara Lokesh defends KTR's comments on AP. ఆంధ్రప్రదేశ్ రోడ్లు, అభివృద్ధిపై కేటీఆర్ చేసిన వ్యాఖ్యలను తెలుగుదేశం పార్టీ జాతీయ కార్యదర్శి నారా లోకేష్
By Medi Samrat
ఆంధ్రప్రదేశ్ రోడ్లు, అభివృద్ధిపై కేటీఆర్ చేసిన వ్యాఖ్యలను తెలుగుదేశం పార్టీ జాతీయ కార్యదర్శి నారా లోకేష్ సోమవారం సమర్థించారు. ఏపీలో రోడ్ల పరిస్థితి, కరెంటు కొరత, అభివృద్ధి గురించి కేటీఆర్ చెప్పిన దానికి.. తాను అంగీకరిస్తున్నానని నారా లోకేశ్ అన్నారు. రాష్ట్ర వైఫల్యాలు, అభివృద్ధిపై ఎవరు ప్రశ్నించినా అధికార వైఎస్సార్‌సీపీ ప్రభుత్వం కటకటాల వెనక్కి నెట్టుతుందని ఆరోపించారు. ఎవరినీ నొప్పించడం తన ఉద్దేశ్యం కాదని కేటీఆర్ అధికారికంగా చెప్పిన తర్వాత కూడా టీడీపీ నేత నుండి ఈ వ్యాఖ్యలు ఆలస్యంగా వస్తున్నాయి.
ఏప్రిల్ 30న రాష్ట్ర ఐటీ శాఖ మంత్రి కేటీఆర్ ఆంధ్రప్రదేశ్ రోడ్లు, అభివృద్ధిపై చేసిన వ్యాఖ్యలపై యూటర్న్ తీసుకున్నారు. నగరి ఎమ్మెల్యే, ఆంధ్రప్రదేశ్ పర్యాటక శాఖ మంత్రి ఆర్కే రోజా తన కుటుంబ సభ్యులతో కలిసి శుక్రవారం సాయంత్రం ప్రగతి భవన్‌లో ముఖ్యమంత్రి కే చంద్రశేఖర్‌రావును కలిసిన తర్వాత ఈ ప్రకటన వచ్చింది. అయితే.. తెలుగు రాష్ట్రాల మధ్య కేటీఆర్ వ్యాఖ్య‌ల ద్వారా చెలరేగిన వివాదంపై వారు చర్చించినట్లు క‌థ‌నాలు వెలువ‌డుతున్నాయి.
ఇదిలావుంటే.. తాను ఉద్దేశపూర్వకంగా చేసిన ప్రకటన కాదని కేటీఆర్ స్పష్టం చేశారు. తన స్నేహితుడు ఏం మాట్లాడాడో అదే మాట్లాడానని చెప్పాడు. అయితే, ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డితో తనకు సోదర బంధం ఉందని, వైఎస్ జగన్ పాలనలో ఏపీ రాష్ట్రం అభివృద్ధి చెందాలని ఆకాంక్షించారు.
క్రెడాయ్ హైదరాబాద్ ప్రాపర్టీ షో 11వ ఎడిషన్ రెండు తెలుగు రాష్ట్రాల మధ్య కొత్త వివాదానికి తెర లేపింది. రియల్టీ రంగం వృద్ధికి తెలంగాణ ఎందుకు బెస్ట్ ప్లేస్ అని వివరిస్తూ, కేటీఆర్ తెలంగాణ, ఆంధ్రప్రదేశ్‌ల మధ్య పోలిక పెట్టారు. టిఎస్‌తో పోలిస్తే పొరుగు రాష్ట్రంలో విద్యుత్, నీరు, అధ్వాన్నమైన రోడ్ నెట్‌వర్క్ కొరత ఉందని ఆయన అన్నారు.
