అల్పపీడనం ఎఫెక్ట్‌.. ఇవాళ ఈ జిల్లాల్లో అతి భారీ వర్షాలు
అల్పపీడనం ప్రభావంతో నేడు ఆంధ్రప్రదేశ్‌లో చెదురుమదురుగా భారీవర్షాలు కురిసే అవకాశం ఉందని ఏపీఎస్‌డీఎంఏ ఎండీ ప్రఖర్ జైన్ వెల్లడించారు.
By అంజి
అల్పపీడనం ఎఫెక్ట్‌.. ఇవాళ ఈ జిల్లాల్లో అతి భారీ వర్షాలు
అల్పపీడనం ప్రభావంతో నేడు ఆంధ్రప్రదేశ్‌లో చెదురుమదురుగా భారీవర్షాలు కురిసే అవకాశం ఉందని ఏపీఎస్‌డీఎంఏ ఎండీ ప్రఖర్ జైన్ వెల్లడించారు. శ్రీకాకుళం, విజయనగరం, మన్యం, అల్లూరి, విశాఖ జిల్లాల్లో మోస్తరు నుంచి భారీ వర్షాలు కురిసే అవకాశం ఉందన్నారు. మిగతా జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందన్నారు. అటు కృష్ణానది వరద ప్రవాహం ప్రకాశం బ్యారేజి వద్ద నిన్న సాయంత్రం 5 గంటలకు 2,98,209 క్యూసెక్కులు ఉందన్నారు. ప్రస్తుతానికి వరద తగ్గుముఖం పట్టిందని,ఎగువ ప్రాంతాల్లోని వర్షాల ప్రభావంతో హెచ్చుతగ్గులు ఉండొచ్చని పూర్తిస్థాయిలో తగ్గే వరకు నదులు, వాగులు,కాలువలు దాటే ప్రయత్నం చేయరాదన్నారు.
తెలంగాణ రాష్ట్రంలో నేడు ఉరుములు మెరుపులతో కూడిన భారీ నుంచి అతి భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. రాష్ట్రంలోని నిర్మల్‌, నిజామాబాద్‌, జయశంకర్‌ భూపాలపల్లి, ములుగు, భద్రాద్రి కొత్తగూడెం, సంగారెడ్డి, కామారెడ్డి జిల్లాలలో అక్కడక్కడ అతి భారీ వర్షాలు కురిసే అవకాశం ఉంది. ఆదిలాబాద్‌, కుమ్రంభీం ఆసిఫాబాద్‌, మంచిర్యాల, జగిత్యాల, రాజన్న సిరిసిల్ల, కరీంనగర్‌, పెద్దపల్లి, మహబూబాబాద్‌, వరంగల్‌, హన్మకొండ, వికారాబాద్‌, మెదక్‌ జిల్లాల్లో అక్కడక్కడ భారీ వర్షాలు కురిసే అవకాశం ఉంది.
