Rain Alert : దక్షిణ కోస్తా, రాయలసీమకు భారీవర్ష సూచన

నైరుతి బంగాళాఖాతంలో కేంద్రీకృతమైన అల్పపీడనం.. రాబోయే 36 గంటల్లో నైరుతి, పశ్చిమమధ్య బంగాళాఖాతంలో వాయుగుండంగా బలపడే అవకాశం ఉంద‌ని విపత్తుల నిర్వహణ సంస్థ ఎండీ ప్రఖర్ జైన్ తెలిపారు. దీని ప్రభావంతో రాష్ట్రంలో విస్తృతంగా పిడుగులతో కూడిన వర్షాలు కురిసే అవ‌కాశం ఉంద‌ని వెల్ల‌డించారు.

దక్షిణ కోస్తా, రాయలసీమకు భారీవర్ష సూచన చేశారు. అత్యవసర సహాయం కోసం కంట్రోల్ రూమ్ టోల్ ఫ్రీ నెంబర్లు 112, 1070, 18004250101 ల‌ను సంప్ర‌దించాల‌ని పేర్కొన్నారు. తీరం వెంబడి బలమైన ఈదురుగాలులు వీచే అవకాశం ఉంద‌ని.. చెట్ల క్రింద నిలబడరాదని.. ప్రజలు అప్రమత్తంగా ఉండాలని హెచ్చ‌రించారు.