కేంద్ర ప్రభుత్వ ఉద్యోగాల పేరిట‌ మోసాలు.. ముఠా గుట్టు రట్టు

Fake job racket busted, Rs 10 lakh seized from gang in Warangal. నకిలీ ఉద్యోగాల రాకెట్ గుట్టు రట్టయింది. వ‌రంగ‌ల్‌లో టాస్క్ ఫోర్స్ పోలీసులు నకిలీ ఉద్యోగాల రాకెట్‌ను

By Medi Samrat  Published on  8 Oct 2022 1:33 PM GMT
కేంద్ర ప్రభుత్వ ఉద్యోగాల పేరిట‌ మోసాలు.. ముఠా గుట్టు రట్టు

నకిలీ ఉద్యోగాల రాకెట్ గుట్టు రట్టయింది. వ‌రంగ‌ల్‌లో టాస్క్ ఫోర్స్ పోలీసులు నకిలీ ఉద్యోగాల రాకెట్‌ను ఛేదించి శనివారం నలుగురిని అరెస్టు చేశారు. ప్రధాన నిందితుడు సలాది రాంగోపాల్ నుంచి నకిలీ కాల్ లెటర్లు, అపాయింట్‌మెంట్ ఆర్డర్‌లతో పాటు రూ.10 లక్షలు స్వాధీనం చేసుకున్నట్లు టాస్క్ ఫోర్స్ ఏసీపీ జితేందర్ రెడ్డి తెలిపారు. ప్రధాన అనుమానితుడు రాంగోపాల్ ఆంధ్రప్రదేశ్‌లోని శ్రీకాకుళానికి చెందినవాడు. మిగిలిన అనుమానితుల్లో ఏపీలోని వివిధ ప్రాంతాలకు చెందిన అంకాల సుభాష్, ధర్మవరం ప్రసాద్, రజనీ ఉన్నారు. కేంద్ర ప్రభుత్వం ఆయుష్మాన్ భారత్ పథకం కింద స్టాఫ్ నర్స్, ఫార్మసిస్ట్, ల్యాబ్ టెక్నీషియన్ వంటి ఉద్యోగాలు ఇప్పిస్తానని నిరుద్యోగ యువతకు వార్తాపత్రికల్లో ప్రకటనలు ఇచ్చి మోసగించారు. భారీ మొత్తంలో డబ్బులు వసూలు చేసి పలువురిని మోసం చేశారని ఏసీపీ తెలిపారు.

నిందితుల నుంచి స్వాధీనం చేసుకున్న పత్రాలు, నగదును మట్వాడ పోలీస్ స్టేషన్‌లో అప్పగించారు. రాంగోపాల్ రెండు తెలుగు రాష్ట్రాల్లో 20 చీటింగ్ కేసుల్లో నిందితుడిగా ఉన్నాడు. గతంలో రాయదుర్గం పోలీసులు పీడీ యాక్ట్‌ కింద అతడిని అదుపులోకి తీసుకున్నారు. పరీక్షలు లేకుండా ప్రభుత్వ ఉద్యోగాలు ఇస్తామని హామీ ఇచ్చే ప్రైవేట్ ఏజెన్సీలు లేదా వ్యక్తుల ప్రకటనల బారిన పడవద్దని నిరుద్యోగ యువతను ఏసీపీ అభ్యర్థించారు. "నిరుద్యోగ యువత కాంపిటెంట్ అథారిటీ నిర్వహించే పోటీ పరీక్షలకు హాజరై ర్యాంకులు సాధించి ఉద్యోగాలు పొందాలి. తప్పుడు క్లెయిమ్‌లు చేసే మధ్యవర్తులు లేదా మోసగాళ్లకు డబ్బు ఇవ్వవద్దని కోరారు.


Next Story
Share it