భార‌త్‌-పాక్ మ్యాచ్ ఎఫెక్ట్ : క్రికెట్ బెట్టింగ్ గుట్టురట్టు

ఇండియా, పాకిస్తాన్ మ్యాచ్ నేఫ‌థ్యంలో విశాఖలో బెట్టింగ్ జోరుగా సాగుతుంది. న‌గ‌రంలోని మాధవధార లో ఉన్న ఓ అపార్ట్ మెంట్ లో నిర్వహిస్తున్న క్రికెట్ బెట్టింగ్ ను పోలీసులు గుట్టురట్టు చేశారు. ఈ మేర‌కు ఆన్‌లైన్ క్రికెట్ బెట్టింగ్ నిర్వహిస్తున్న ప్రభాకర్ అనే వ్యక్తిని ఎయిర్ పోర్ట్ జోన్ పోలీసులు అదుపులోకి తీసుకున్నారు. ప్రభాకర్ దగ్గరనుంచి ఒక ల్యాప్ టాప్, 2 మొబైల్ ఫోన్లు, రెండు చెక్ బుక్ లు, 2 ఏటీఎం కార్డులు, 88 వేల రూపాయల నగదును పోలీసులు స్వాధీనం చేసుకున్నారు. క్రికెట్ బెట్టింగ్ వెనుక నగరంలో మరికొంతమంది ఉన్నట్లు పోలీసులు అనుమానిస్తున్నారు. నిందితుడు ప్రభాకర్ ఇచ్చిన సమాచారం మేరకు ప్రత్యేక పోలీసు బృందాలు మిగిలిన బుకీలను పట్టుకొనే పనిలో నిమ‌గ్న‌మ‌య్యాయి.