విజయవాడలో న్యూ ఇయర్‌ వేడుకలపై ఆంక్షలు

Restrictions on New Year celebrations in Vijayawada. నగరంలో న్యూ ఇయర్ వేడుకలపై పోలీస్‌ శాఖ ఆంక్షలు ప్రకటించింది.

By Medi Samrat  Published on  30 Dec 2022 10:00 AM GMT
విజయవాడలో న్యూ ఇయర్‌ వేడుకలపై ఆంక్షలు

నగరంలో న్యూ ఇయర్ వేడుకలపై పోలీస్‌ శాఖ ఆంక్షలు ప్రకటించింది. ఈ మేరకు వేడుకలకు సంబంధించి ఆంక్షలను శుక్రవారం నగర సీపీ కాంతిరానా టాటా ప్రకటించారు. బహిరంగ ప్రదేశాల్లో మద్యం సేవించడం, కేకులు కట్ చేస్తూ హడావిడి చేయడం లాంటి చర్యలు కుదరవని ఆయన హెచ్చరించారు. బార్ అండ్ రెస్టారెంట్లు అనుమతి ఇచ్చిన సమయానికి మించి తెరవకూడడదు. అలాగే డీజేలకు అనుమతి తీసుకోవాలి. ఈవెంట్స్ ఆర్గనైజర్లు, క్లబ్ లు, పబ్ ల నిర్వాహకులు పోలీసు అనుమతి తీసుకోవాలని, అర్ధరాత్రి 12 గంటల వరకు వేడుకలు నిర్వహించినా జనం మాత్రం ఒంటిగంటకల్లా ఇళ్లకు చేరుకోవాలని ముందస్తు సూచన చేశారు సీపీ. అలాగే ఫ్లై ఓవర్లు మూసేస్తామని, రాత్రిళ్లు రోడ్లపై తిరగడం కుదరదని ప్రజలకు తెలిపారు. విజయవాడలో 31 రాత్రి తర్వాత 144 సెక్షన్, సెక్షన్ 30 అమలులో అవుతుందని ప్రజలకు తెలిపారు. కోవిడ్ నేపథ్యంలో మరింత అప్రమత్తంగా ఉండాల్సిన అవసరం ఉందని, నిబంధనలు అతిక్రమిస్తే కఠిన చర్యలు తీసుకుంటామని నగర సీపీ కాంతిరానా టాటా స్పష్టం చేశారు.


Next Story
Share it