తిరుమలలో ఘనంగా రథసప్తమి వేడుకలు

సూర్య జయంతి సందర్భంగా మంగళవారం తిరుమలలో రథసప్తమి వేడుకలను ఘనంగా నిర్వహించారు. ఈ సందర్భంగా సూర్యప్రభ వాహనంపై అమ్మవారు దర్శనమిచ్చారు. ఇదిలా ఉండగా.. కోవిడ్ నిబంధనల ప్రకారం టీటీడీ ఏకాంతంలో వాహన సేవలను నిర్వహిస్తుంది. ఒకరోజు బ్రహ్మోత్సవం.. సూర్యప్రభ వాహనంతో ప్రారంభమై రాత్రి చంద్రప్రభ వాహనంతో ముగుస్తుందని తెలుస్తోంది. తిరుమలలో ప్రతి సంవత్సరం మాఘశుద్ధ సప్తమి నాడు అత్యంత వైభవంగా ఈ ఉత్సవాలు జరుగుతాయి.

రథ సప్తమి ఉత్సవాల్లో భాగంగా సూర్యప్రభ, చిన శేష, గరుడ, హనుమ, కల్పవృక్ష, సర్వభూపాల, చంద్ర ప్రభ వాహనాలపై శ్రీమలయప్ప స్వామి అనుగ్రహం పొందారు. వాహన సేవలకు పరిమిత సంఖ్యలో టీటీడీ అధికారులు, బోర్డు సభ్యులను అనుమతించే అవకాశం ఉంది. ఉత్సవాల సందర్భంగా శ్రీవారి ఆలయంతో పాటు తిరుమలలోని ప్రధాన ప్రాంతాలను ఏడు టన్నుల పూలతో అందంగా అలంకరించారు. ప్రపంచవ్యాప్తంగా ఉన్న‌ భక్తుల కోసం టీటీడీ భక్తి శాటిలైట్ ఛానెల్ ఎస్వీబీసీ ద్వారా రోజంతా జరిగే కార్యక్రమాలను ప్రత్యక్ష ప్రసారం చేయడానికి ఏర్పాట్లు చేసింది.