చికెన్ దొరకట్లేదా..?

తగ్గిన లాభాల మార్జిన్‌లకు నిరసనగా వ్యాపారులు చేపట్టిన ఆందోళన కారణంగా, హైదరాబాద్‌లోని చికెన్ షాపులు ఈరోజు, ఏప్రిల్ 1 నుంచి నిరవధికంగా మూత‌ప‌డ‌నున్నాయి. నగరంలోని పలు ప్రాంతాల్లో కనిపించిన పోస్టర్లలో దుకాణ యజమానులు నష్టాలను ఎదుర్కొంటున్నారని తెలిపారు. పౌల్ట్రీ కంపెనీలు తగినంత లాభాల మార్జిన్‌లను అందించడం లేదని, దీనివల్ల తమ వ్యాపారాన్ని కొనసాగించడం కష్టంగా మారిందని వ్యాపారులు అంటున్నారు. డిమాండ్లు నెరవేరే వరకు హైదరాబాద్‌లో చికెన్ షాపుల మూసివేత కొనసాగుతుందని తెలంగాణ చికెన్ షాప్ ఓనర్స్ అసోసియేషన్ ప్రకటించింది. లాభాల మార్జిన్‌లను మార్చాలని అసోసియేషన్ డిమాండ్ చేస్తోంది.

తమ డిమాండ్లు నెరవేర్చే వరకు హైదరాబాద్‌లోని దాదాపు 50,000 చికెన్ దుకాణాలు మూసివేసి ఉంటాయని చికెన్ షాప్స్ అసోసియేషన్ స్పష్టం చేసింది. గతంలో కిలోకు రూ. 25-30గా ఉన్న వ్యాపారుల లాభం ఇప్పుడు కిలోకు రూ. 5-10కి తగ్గిపోయిందని చెబుతున్నారు. మరోవైపు, అద్దె, రవాణా, కార్మికుల వేతనాలతో సహా నిర్వహణ ఖర్చులు కాలక్రమేణా పెరిగాయని చికెన్ షాప్ యజమానులు తెలిపారు.