రేపట్నుంచే స్కూళ్లు, కాలేజీలు పునఃప్రారంభం
13 రోజుల దసరా సెలవుల అనంతరం హైదరాబాద్‌తో పాటు తెలంగాణలోని ఇతర జిల్లాల్లో రేపటి నుంచి పాఠశాలలు పునఃప్రారంభం కానున్నాయి.
By అంజి Published on 25 Oct 2023 5:12 AM GMT
రేపట్నుంచే స్కూళ్లు, కాలేజీలు పునఃప్రారంభం
హైదరాబాద్: 13 రోజుల దసరా సెలవుల అనంతరం హైదరాబాద్‌తో పాటు తెలంగాణలోని ఇతర జిల్లాల్లో రేపటి నుంచి పాఠశాలలు పునఃప్రారంభం కానున్నాయి. పాఠశాల విద్యాశాఖ.. దసరా, బతుకమ్మ పండుగలను పురస్కరించుకొని అక్టోబర్ 13 నుంచి 25 వరకు సెలవులు ప్రకటించింది. నేటితో ఆ సెలవులు ముగియనున్నాయి. పాఠశాలలతో పాటు రాష్ట్రంలోని జూనియర్ కళాశాలలు కూడా గురువారం పునఃప్రారంభం కానున్నాయి. కళాశాల విద్యార్థులకు అక్టోబర్ 19 నుంచి దసరా సెలవులు వచ్చాయి. పాలిటెక్నిక్‌ కాలేజీలకు 14 నుంచి 24 వరకు సెలవులు ప్రకటించారు.
కాగా, అక్టోబర్ 14 నుంచి 24 వరకు యూనివర్సిటీకి దసరా సెలవులు ప్రకటించడంతో ఉస్మానియా యూనివర్సిటీకి అనుబంధంగా ఉన్న కాలేజీల్లో ఇవాళ్టి నుంచి తరగతులు పునఃప్రారంభమయ్యాయి. నవరాత్రి ఉత్సవాల సందర్భంగా హైదరాబాద్‌లో సాయంత్రం బతుకమ్మ, దాండియా నృత్యాలతో మార్మోగింది. హైదరాబాద్‌లో పలు సంఘాలు దుర్గా విగ్రహాలతో పందాలను ఏర్పాటు చేశాయి. ఇప్పుడు పండుగ ముగియడంతో, హైదరాబాద్‌లోని పాఠశాలలు, ఇతర విద్యా సంస్థలు రేపు తిరిగి తెరవబడతాయి.
