మంత్రి పువ్వాడ అజయ్ ఓ సైకో : నిప్పులు చెరిగిన రేవంత్‌

Revanth calls Puvvada Ajay a psycho. రవాణాశాఖ మంత్రి పువ్వాడ అజయ్‌కుమార్‌పై టీపీసీసీ చీఫ్ రేవంత్ రెడ్డి మంగళవారం తీవ్ర‌స్థాయిలో ధ్వ‌జ‌మెత్తారు.

By Medi Samrat  Published on  26 April 2022 11:52 AM GMT
మంత్రి పువ్వాడ అజయ్ ఓ సైకో : నిప్పులు చెరిగిన రేవంత్‌

రవాణాశాఖ మంత్రి పువ్వాడ అజయ్‌కుమార్‌పై టీపీసీసీ చీఫ్ రేవంత్ రెడ్డి మంగళవారం తీవ్ర‌స్థాయిలో ధ్వ‌జ‌మెత్తారు. ఖమ్మంలో మీడియాతో మాట్లాడిన రేవంత్ రెడ్డి.. పువ్వాడ అజయ్ ఓ సైకో అని వ్యాఖ్యానించారు. పువ్వాడ అజయ్ కుమార్ పోలీసుల సహకారంతో ఎన్నో క్రిమినల్ కేసులు పెట్టి.. ఓ రౌడీషీటర్‌గా తన జీవితాన్ని ముగించుకునేలా ఆ కార్యకర్తను తయారు చేశాడని ఆరోపించారు. మంత్రి అవినీతి కేసుల్లో చిక్కుకున్నారని ఎంపీ రేవంత్ రెడ్డి అన్నారు. ఖమ్మంలో జరిగిన ఆత్మహత్యలపైనా, మంత్రి ఆధ్వర్యంలో నడుస్తున్న కాలేజీలపైనా సీబీఐ విచారణ జరిపించాలని డిమాండ్ చేశారు. వచ్చే అసెంబ్లీ ఎన్నికల్లో యువత ఓటు వేసి కాంగ్రెస్‌కు మద్దతు ఇవ్వాలని, మంత్రి అజయ్‌కుమార్‌కు తగిన గుణపాఠం చెప్పాలని కోరారు. మంత్రి అవినీతిపై న్యాయం జరిగే వరకు కాంగ్రెస్‌ పోరాటం చేస్తుందన్నారు.

మంత్రి పోలీసుల ముందు లొంగిపోయే బదులు.. తాను కమ్మ సామాజిక వర్గానికి చెందినవాడినని ఆరోపిస్తూ విలేకరుల సమావేశం నిర్వహించారని.. అందుకే ప్రతిపక్షాలు తనపై దుష్ప్రచారం చేస్తున్నాయని రేవంత్ అన్నారు. కులమతాలకు అతీతంగా అందరూ కలిసి మెలిసి జీవించాలని పువ్వాడ అజయ్‌కుమార్‌ అన్నారని, ఇప్పుడు తనను తాను రక్షించుకునేందుకు కమ్మ సామాజికవర్గాన్ని కోరుతున్నార‌ని రేవంత్‌ గుర్తు చేశారు. తనను ఇప్పటికే సంఘం వదిలిపెట్టిందని పువ్వాడకు తెలియదని, ఇలాంటి రాజకీయ నాయకులు తమతో ఉంటే సహించేది లేదని టీపీసీసీ చీఫ్ అన్నారు. వచ్చే అసెంబ్లీ ఎన్నికల్లో ఖమ్మం ప్రజలు టీఆర్‌ఎస్‌కు దీటుగా కాంగ్రెస్‌ను గెలిపించి మంత్రికి తగిన గుణపాఠం చెబుతారని ధీమా వ్యక్తం చేశారు.

Next Story
Share it