Heavy Rain Alert : రాబోయే రెండు, మూడు గంటలలో భారీ వ‌ర్షం

రాబోయే రెండు, మూడు గంటలలో హన్మకొండ, కరీంనగర్, ఖమ్మం, మహబూబాబాద్, మెదక్, ములుగు, సూర్యాపేట, వరంగల్ జిల్లాలలో అక్కడక్కడ తేలికపాటి ఉరుములతో కూడిన భారీ వర్షం కురిసే అవకాశం ఉంద‌ని వాతావ‌ర‌ణ శాఖ అల‌ర్ట్ జారీ చేసింది. ఈ మేర‌కు ఐఎండీ ఆరెంజ్ అలెర్ట్ జారీ చేసింది.

ఆదిలాబాద్, భద్రాద్రి కొత్తగూడెం, హైదరాబాద్, జయశంకర్ భూపాలపల్లి, జగిత్యాల, జనగాం, కామారెడ్డి, కొమరం భీమ్ ఆసిఫాబాద్, మేడ్చల్ మల్కాజిగిరి, మంచిర్యాలు, నల్గొండ, నిర్మల్, నిజామాబాద్, పెద్దపల్లి, రాజన్న సిరిసిల్ల, రంగారెడ్డి, సంగారెడ్డి, సిద్దిపేట, యాదాద్రి భువనగిరి జిల్లాలలో తేలికపాటి ఉరుములతో కూడిన మోస్తారు వర్షం కురిసే అవకాశం ఉంద‌ని వాతావ‌ర‌ణ శాఖ ఎల్లో అలెర్ట్ జారీ చేసింది. గంటకు 40 కిలోమీటర్ల వేగంతో ఈదురు గాలులు వీచే అవకాశం ఉంద‌ని వాతావ‌ర‌ణ శాఖ‌ ప్ర‌జ‌ల‌ను అప్ర‌మ‌త్తం చేసింది.