అక్కడే లాస్య నందిత అంత్యక్రియలు

బీఆర్ఎస్ యువ ఎమ్మెల్యే లాస్య నందిత రోడ్డు ప్రమాదంలో దుర్మరణం చెందిన సంగతి తెలిసిందే. ఆమె మృతి పట్ల పార్టీలకు అతీతంగా నేతలు సంతాపాన్ని వ్యక్తం చేస్తున్నారు. కంటోన్మెంట్ శాసన సభ్యురాలు లాస్య నందిత అకాలమరణం ఎంతో మందిని బాధిస్తూ ఉంది. లాస్య నందిత అంత్యక్రియలు సాయంత్రం 5 గంటలకు నిర్వహించనున్నారు. కార్ఖానాలోని తన నివాసానికి లాస్య నందిత పార్థివ దేహం చేరుకుంది. ఈరోజు సాయంత్రం లాస్య నందిత పార్ధీవ దేహానికి నివాళులు అర్పించనున్నారు సీఎం రేవంత్ రెడ్డి. మేడారం జాతరకు వెళ్లి వచ్చిన తర్వాత లాస్య నందిత ఇంటికి వెళ్లనున్నారు సీఎం రేవంత్‌.

మారేడ్ పల్లి లోని హిందూ స్మశాన వాటికలో లాస్య నందిత అంత్యక్రియలు నిర్వహించనున్నట్లు ఆమె కుటుంబ సభ్యులు తెలిపారు. లాస్య నందిత తండ్రి సాయన్న అంత్యక్రియలు జరిగిన చోటనే లాస్య నందిత అంత్యక్రియలు నిర్వహించనున్నారు. అధికారిక లాంచనాలతో లాస్య నందిత అంత్యక్రియలు చేయనున్నారు.. మారేడ్ పల్లి స్మశాన వాటికలో లాస్య నందిత అంత్యక్రియల ఏర్పాట్లను GHMC, ఇతర శాఖ అధికారులు పరిశీలిస్తున్నారు.