Video : హోంవర్క్ పూర్తి చేయకపోతే ఇంత దారుణంగా కొట్టాలా.?

తన హోంవర్క్ పూర్తి చేయనందుకు పాఠశాలలో ఒక విద్యార్థినికి కఠినమైన శిక్ష విధించారు.

By Medi Samrat
Published on : 22 Aug 2024 7:54 PM IST

Video : హోంవర్క్ పూర్తి చేయకపోతే ఇంత దారుణంగా కొట్టాలా.?

తన హోంవర్క్ పూర్తి చేయనందుకు పాఠశాలలో ఒక విద్యార్థినికి కఠినమైన శిక్ష విధించారు. రెండో తరగతి చదువుతున్న విద్యార్థిని చెవిపై టీచర్ కొట్టడంతో తీవ్ర రక్తస్రావమైంది. ఆ బాలిక తన నోట్‌బుక్‌పై రక్తాన్ని చూపిస్తూ ఈ ఘటనను వివరిస్తున్న వీడియో సోషల్ మీడియాలో వైరల్ అవుతోంది. తెలంగాణ రాష్ట్రం కరీంనగర్ జిల్లా జగిత్యాల బ్లాక్‌లోని ఎంపీపీఎస్ టీఆర్ నగర్ పాఠశాలలో ఈ ఘటన చోటుచేసుకుంది.

తీవ్ర రక్తస్రావం అయ్యేంత వరకు ప్రభుత్వ పాఠశాల ఉపాధ్యాయుడు బాలికను కొట్టాడు. వైరల్ వీడియోలో, అమ్మాయి రక్తంతో తన పుస్తకాన్ని పట్టుకుని కనిపించింది. మరో టీచర్ తన టీచర్‌ దారుణంగా కొట్టడం వల్ల తీవ్రంగా గాయపడిన బాలిక చెవిని చూపిస్తుంది. ఇతర ఉపాధ్యాయుడు బాలిక దుస్తులు, ID కార్డుపై రక్తపు మరకలను వీడియోలో చూపించాడు. నెటిజన్లు సదరు ఉపాధ్యాయుడిపై కఠిన చర్యలు తీసుకోవాలని పిలుపునిచ్చారు.


Next Story