సీఎంగా, హోంమంత్రిగా రేవంత్ ఫెయిలయ్యారని డీజీపీనే చెప్పారు: హరీష్ రావు

సుప్రీంకోర్టులో పెండింగ్‌లో ఉన్న పార్టీ ఫిరాయంపుల విషయంపై నిబంధనలకు విరుద్ధంగా సీఎం రేవంత్ రెడ్డి అసెంబ్లీలో మాట్లాడారు..అని మాజీ మంత్రి హరీష్ రావు ఆరోపించారు. అసెంబ్లీ లాబీలో మీడియాతో చిట్‌చాట్‌లో ఆయన మాట్లాడుతూ.. అసెంబ్లీలో సీఎం మాట్లాడింది పూర్తిగా అసెంబ్లీ, పార్లమెంట్ వ్యవస్థకు విరుద్ధం. కోర్టులో పెండింగ్‌లో ఉన్న విషయాలను చట్టసభల్లో మాట్లాడకూడదు అని కౌల్ అండ్ శకధర్ పార్లమెంటరీ ప్రొసీజర్ బుక్‌లో స్పష్టంగా ఉంది. రాష్ట్రంలో పార్టీ ఫిరాయించిన ఎమ్మెల్యేలపై అనర్హతపై సుప్రీంకోర్టులో కేసు పెండింగ్‌లో ఉన్నా కూడా ముఖ్యమంత్రి అసెంబ్లీలో ఈ విషయంపై జడ్జిమెంట్ ఇచ్చారు. పార్టీ ఫిరాయించిన ఎమ్మెల్యేలు డిస్ క్వాలిఫై అవ్వరు, ఉప ఎన్నికలు రానే రావుని తీర్పు చెప్పారు. ముఖ్యమంత్రి తన పరిధిని దాటి సుప్రీంకోర్టులో ఉన్న విషయంపై మాట్లాడటం అసెంబ్లీ ప్రివిలేజ్ కిందకే వస్తుంది. పాయింట్ ఆఫ్ ఆర్డర్ కింద నేను చెప్పే ప్రయత్నం చేస్తే మధ్యలో నా మైక్ కట్ చేశారు. ప్రభుత్వం వ్యవహరిస్తోన్న తీరుకు నిరసనగానే సభ నుంచి వాకౌట్ చేశాం..అని హరీష్ రావు వ్యాఖ్యానించారు.

బీఆర్ఎస్ ప్రభుత్వం బెట్టింగ్ యాప్స్ బ్యాన్స్ చేస్తూనే వచ్చింది. కానీ కాంగ్రెస్ ప్రభుత్వం 15 నెలల పాలనలో బెట్టింగ్ యాప్స్‌ను కంట్రోల్ చేయడంలో విఫలమైంది. రాష్ట్రంలో ప్రతి మూడు గంటలకు ఒక అత్యాచారం, ఆరు గంటలకు ఒక హత్య జరుగుతోంది. లా అండ్ ఆర్డర్ మెయిన్‌టైన్ చేయడంలో ప్రభుత్వం, ముఖ్యమంత్రి ఫెయిలయ్యారు. డీజీపీ అధికారికంగా విడుదల చేసిన లెక్క ప్రకారం, గత సంవత్సరం కంటే 23 శాతం క్రైమ్ రేట్ పెరిగిందని చెప్పారు. 15 నెలల పాలనలో 9 కమ్యూనల్ రైట్స్ అయ్యాయి. ముఖ్యమత్రిగా, హోంమంత్రిగా రేవంత్ రెడ్డి ఫెయిల్ అయ్యాడు. ఈ విషయాన్ని డీజీపీ ప్రకటించారు..అని హరీష్ రావు ఆరోపించారు.

హైదరాబాదులో 50% సీసీ కెమెరాలు పనిచేయడం లేదు. పెట్టిన సీసీ కెమెరాలును మెయింటైన్ చేయడంలో ఫెయిల్ అయ్యారు. పోలీసులకు ఆత్యాధునిక వాహనాలు మేం కొనిస్తే మీరు డీజిల్ పోయించే పరిస్థితిలో కూడా లేరు. పోలీస్ చరిత్రలో పోలీసు కుటుంబాలను పోలీసుల చేత అరెస్టు చేయించిన ఘనుడు సీఎం రేవంత్ రెడ్డి. అమనగల్ లో ముఖ్యమంత్రి భూముల కోసం నాలుగు లైన్ల రోడ్లు రింగ్ రోడ్డు, రీజనల్ రింగ్ రోడ్ ఉండగా మరో రోడ్డు ఎందుకు? 5000 కోట్లు ఖర్చుపెట్టి 10 లైన్ల రోడ్డు ఎందుకు వేస్తున్నావ్. ఉద్యోగులకు పెన్షనర్లకు ఇవ్వడానికి డబ్బులు లేవని చెబుతూనే 5000 కోట్లతో అత్తగారి ఊరికి రోడ్లు వేస్తారా?. రాష్ట్ర ప్రయోజనాల విషయం సోషల్ రెస్పాన్సిబిలిటీ ఉంది కాబట్టే తెలంగాణను నంబర్ 1 గా నిలిపాము..అని హరీష్ రావు పేర్కొన్నారు.