తమిళిసైపై ఈసీకి బీఆర్‌ఎస్‌ ఫిర్యాదు.. రామమందిర ప్రతిరూపాలను పంపిణీ చేశారంటూ..

హైదరాబాద్: సికింద్రాబాద్ ఎమ్మెల్యే కాలనీలో అయోధ్య రామమందిర ప్రతిరూపాలను పంపిణీ చేశారంటూ తెలంగాణ మాజీ గవర్నర్, బీజేపీ నేత డాక్టర్ తమిళిసై సౌందరరాజన్‌పై భారత రాష్ట్ర సమితి (బీఆర్‌ఎస్) ఎన్నికల కమిషన్ (ఈసీ)కి ఫిర్యాదు చేసింది. ప్రతిరూపాలను పంపిణీ చేసిన సౌందరరాజన్ చర్య “ఐపీసీ సెక్షన్ 188, మోడల్ కోడ్ ఆఫ్ కండక్ట్ (MCC)ని ఉద్దేశపూర్వకంగా ఉల్లంఘించడమే” అని బీఆర్‌ఎస్‌ తన ఫిర్యాదులో పేర్కొంది.

పత్రికల్లో వచ్చిన కథనాల ఆధారంగా చేసుకుని టిఆర్ఎస్ పార్టీ నేతలు గవర్నర్ తమిళసై మీద బంజారా హిల్స్ పోలీసులకు ఫిర్యాదు చేయడమే కాకుండా ఎన్నికల సంఘానికి సైతం ఫిర్యాదు చేళారు. టిఆర్ఎస్ పార్టీ నేతలు ఇచ్చిన ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.

“తమిళిసై సౌందరరాజన్ మతం ప్రాతిపదికన పార్టీని ప్రోత్సహించాలనే ఆదేశాన్ని ధిక్కరించి, సికింద్రాబాద్ నియోజకవర్గం నుండి పోటీ చేస్తున్న బిజెపి పార్టీ అభ్యర్థి రాజకీయ లబ్ధి కోసం హైదరాబాద్‌లోని ఎమ్మెల్యే కాలనీలో సాధారణ ప్రజలకు రామమందిర ప్రతిరూపాలను పంపిణీ చేశారు. ప్రస్తుతం అమలులో ఉన్న చట్టానికి (MCC) ఇది విరుద్ధం’’ అని ఫిర్యాదులో పేర్కొన్నారు.

తమిళనాడులో ఇటీవల ముగిసిన లోక్‌సభ ఎన్నికల్లో చెన్నై సౌత్ లోక్‌సభ నియోజకవర్గానికి కాషాయ పార్టీ అభ్యర్థిగా సౌందరరాజన్ ఉన్నారు. రాష్ట్రంలో ఎన్నికల ప్రచారానికి.. తమిళం మాట్లాడే ప్రజలతో మమేకమయ్యేందుకు మాజీ గవర్నర్‌ను రాష్ట్ర బిజెపి నియమించిందని బిజెపి ప్రధాన కార్యదర్శి జి ప్రేమేందర్ రెడ్డి ఇటీవల ఒక ప్రకటనలో తెలిపారు. భారత ఎన్నికల సంఘం (ఈసీఐ) విడుదల చేసిన షెడ్యూల్‌ ప్రకారం తెలంగాణలో మే 13న బ్యాలెట్‌ జరగనుంది.