Medak: హాస్టల్‌లో 9 మంది బాలికలను కరిచిన ఎలుకలు

హైదరాబాద్: మెదక్ జిల్లా రామాయంపేట సాంక్షిక సంక్షేమ బాలికల హాస్టల్‌లో తొమ్మిది మంది విద్యార్థినులను ఎలుకలు కరిచాయి. ఈ ఘటన ఆలస్యంగా వెలుగు చూసింది. 9వ తరగతి చదువుతున్న విద్యార్థులు మంగళవారం, బుధవారం రాత్రి సమయంలో హాస్టల్‌లోని గదిలో నిద్రిస్తున్న సమయంలో ఎలుకలు కరిచాయని అధికారులు గురువారం తెలిపారు. వీరికి రామాయంపేట మండలంలోని ప్రాథమిక ఆరోగ్య కేంద్రంలో చికిత్స అందించి డిశ్చార్జి చేశారు. ఎలుకల బెడదను అరికట్టేందుకు అవసరమైన చర్యలు తీసుకుంటున్నామని అధికారి తెలిపారు.

ఈ సంఘటన గురించి తెలుసుకున్న కొంతమంది విద్యార్థుల తల్లిదండ్రులు ఇన్‌స్టిట్యూట్‌కు వెళ్లి హాస్టల్‌లో అపరిశుభ్రతపై హాస్టల్‌ సిబ్బందిని నిలదీశారు. పాఠశాల నిర్వహణ తీరుపై బాలికల తల్లిదండ్రులు ఆగ్రహం వ్యక్తం చేశారు. హెడ్‌మాస్టర్‌ కలుగజేసుకుని విద్యార్థినులకు ఇబ్బంది కలుగకుండా చర్యలు తీసుకుంటామని చెప్పారు. దీంతో తల్లిదండ్రులు వెనక్కి తగ్గారు. విద్యార్థినులు మీడియాకు ఎలుకలు కరిచిన గాయాలను చూపించారు. రాత్రిపూట ఎలుకలు నిద్రపోనివ్వడం లేదని పేర్కొన్నారు.