ముంబై ఇండియన్స్ శిబిరంలో ఖుషీ

IPL 2025 పునఃప్రారంభానికి ముందు ముంబై ఇండియన్స్‌ గుడ్ న్యూస్ అందుకుంది. ఇంగ్లాండ్ ఆల్ రౌండర్ విల్ జాక్స్ సోషల్ మీడియాలో ఒక ప్రత్యేక పోస్ట్ ద్వారా భారతదేశానికి తిరిగి వస్తున్నట్లు ధృవీకరించారు. అతడు ఆడతాడా లేదా అనే ఊహాగానాలను అణిచివేస్తూ, జాక్స్ ముంబైకి విమానంలో వస్తున్నట్లుగా ఇన్‌స్టాగ్రామ్ కథనాన్ని పోస్ట్ చేశాడు. అటు ముంబై ఇండియన్స్ యాజమాన్యంలోనూ, ఇటు ముంబై అభిమానుల్లో ఇది ఆనందాన్ని నింపుతోంది.

భారతదేశం- పాకిస్తాన్ మధ్య ఉద్రిక్తతల కారణంగా టోర్నమెంట్ తాత్కాలికంగా నిలిపివేసిన తరువాత అనేక మంది విదేశీ ఆటగాళ్ళు పాల్గొనడంపై సందేహం తలెత్తింది. ముందుజాగ్రత్తగా విదేశీ ఆటగాళ్లను స్వదేశానికి తిరిగి పంపించడంతో, చాలా ఫ్రాంచైజీలు తిరిగి ఆటగాళ్లను రప్పించడంపై దృష్టి పెట్టాయి. జాక్స్ తిరిగి రావడం ముంబై జట్టుకు శుభసూచకం, ముంబై ఇండియన్స్ ప్లేఆఫ్ స్థానం కోసం పోటీలో ఉన్నారు. 14 పాయింట్లతో పాయింట్ల పట్టికలో 4వ స్థానంలో ఉంది.

జూన్ 11న ప్రారంభమయ్యే ప్రపంచ టెస్ట్ ఛాంపియన్‌షిప్ ఫైనల్‌ ఆడనున్న అనేక మంది ఆస్ట్రేలియన్, దక్షిణాఫ్రికా ఆటగాళ్ళు ఇప్పటికే టోర్నమెంట్ నుండి తప్పుకున్నారు.