అకస్మాత్తుగా వాయిదా ప‌డ్డ‌ స్మృతి మంధాన వివాహం. ఏం జ‌రిగిందంటే..?

భారత మహిళా క్రికెట్ స్టార్ స్మృతి మంధాన, సంగీత స్వరకర్త పలాష్ ముచ్చల్ వివాహం అకస్మాత్తుగా వాయిదా పడింది. పెళ్లి వేడుకకు ముందే స్మృతి తండ్రి ఆరోగ్యం క్షీణించిందని, ఆ తర్వాత భద్రత, ఆరోగ్యాన్ని దృష్టిలో ఉంచుకుని పెళ్లి తేదీని వాయిదా వేయాలని కుటుంబ సభ్యులు నిర్ణయించుకున్నట్లు సమాచారం. వార్తా సంస్థ PTI విడుదల చేసిన వీడియోలో భారత మహిళా క్రికెటర్ స్మృతి మంధాన మేనేజర్ తుహిన్ మిశ్రా తన తండ్రికి బాగోలేదని ధృవీకరించారు. ఈ కారణంగా వివాహం నిరవధికంగా వాయిదా పడింది.

ఈ రోజు ఉదయం స్మృతి మంధాన తండ్రి అల్పాహారం చేస్తున్నప్పుడు.. ఆయ‌న‌ ఆరోగ్యం క్షీణించడం ప్రారంభించిందని, కొంత స‌మ‌యం తర్వాత మేమంతా అతన్ని వెంటనే ఆసుపత్రికి తీసుకెళ్లామని ఆయన చెప్పారు. తండ్రికి సన్నిహితంగా మెలిగే స్మృతి.. తన తండ్రి కోలుకునే వరకు పెళ్లిని వాయిదా వేయాలని నిర్ణయించుకుంది. స్మృతి తండ్రి ఇంకా ఆసుపత్రిలోనే ఉన్నారని మంధాన మేనేజర్ చెప్పారు. ఈ సమయంలో కుటుంబాన్ని ఒంటరిగా విడిచిపెట్టాలని ఆయన అందరినీ అభ్యర్థించారు. గతంలో స్మృతి మంధాన పెళ్లి సందర్భంగా ఒకరికి గుండెపోటు వచ్చి ఆసుపత్రికి తరలించారని వార్తలు వచ్చాయి. అప్పటి నుంచి స్మృతి మంధాన తండ్రికే గుండెపోటు వచ్చిందని భావిస్తున్నారు.